[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Malones, wala nahadlok mag-operate ang PNP ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Martes. agusto 1, 2017
[/av_textblock]
[av_textblock size=” font_color=” color=”]
Syudad sang ILOILO – Kon nakabatyag sang kahadlok ang iban nga mga opisyal nga nahingadlan ni Presidente Rodrigo Duterte nga “narco-politicians,” si Mayor Mariano Malones sang Maasin, Iloilo naman wala gid sang nabatyagan nga kakulba nga basi ipa-idalom man sila sa operasyon sang kapulisan.
Sunu kay Malones, wala gid sang problema kon ipadala si Chief Inspector Jovie Espenido nga isa sa mga nagpanguna sa pag-raid sa balay ni Mayor Reynaldo Parojinog sang Ozamiz City nga nagresulta sa maduguon nga operasyon sa diin napatay ang alkalde, asawa sini kag 13 ka iban pa.
“Way man sang problema sina kon diri sia assign ukon diri man sa Iloilo ukon sa Maasin, mas maayo man gani. Way man sang dapat kulbaan na sa iya,” hambal ni Malones sa interbyu sang Bombo Radyo Iloilo.
Matandaan nga si Espenido man ang nagapungko nga hepe sang Albuera, Leyte sang ginsalakay sang tropa ni Superintendent Marvin Marcos sang Criminal Investigation and Detection Group ang prisohan sa diin nahunong si Albuera Mayor Rolando Espinosa Sr. nga ginkabangdan sang kamatayon sang naulihi.
Siling pa ni Malones, posible nga nakumpirmar sang nag-operate nga kapulisan ang ilegal nga aktibidad ni Parojinog rason nga ginpatay ini pero sa iya bahin wala sia sang dapat kakulbaan bangod nga wala man sia naga-intra sa ilegal nga aktibidad bisan ginhingadlan na sia sadto ni Duterte nga nagaprotehir sa mga durogista.
“Basi kon na-confirm man to ya ang mayor nga ginpatay nga basi kon naga-involve sa ilegal nga droga. Sa akon way ako sang dapat kulbaan. Naka-istorya gani ako kay PNP Chief Ronald Dela Rosa, the way ko mag-atubang sa ila way ko ya kulba. Gina-garantiya ko ang akon kabuhi kon may findings sila sa akon,” dugang sini.
Gindugang sang alkalde nga humalin sang ginlawag ang iya pangalan, wala gid sia nagpanago ukon nakabatyag sang kahadlok bangod nga indi man sia guilty sa akusasyon sang presidente.
“Halin sang gintawag ang pangalan ko way ko ya nahadlok mag-atubang. I’m not guilty for that issue. I’m not involved in any drug activities. Amo gani ginagarantiya ko ang akon kabuhi, kon may ebidensya sila sa akon anytime patyon nila ako, way problema, te kay I’m not guilty for that. Bisan ano oras ah,” pagtapos sang alkalde
Ining reaksyon ni Malones kasunod man sang pahayag ni Dela Rosa nga madamo pa sang masunod nga operasyon ang kapulisan sa bug-os nga pungsod kontra sa mga narco-politicians nga nagapamalibad nga magsungka./PB
[/av_textblock]
[/av_one_full]
