[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Magbayaw nagsumbaganay, 1 patay ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Cyrus M. Garde
[/av_heading]
[av_textblock size=” font_color=” color=”]
Syudad sang BACOLOD – Patay ang isa ka lalaki sang nagtapungolay sila sang iya bayaw sa Sitio Raming, Barangay Pilar sa Hinigaran, Negros Occidental alas-nueve ang takna sang Sabado sang gab-i.
Ginkilala ni Senior Inspector Lawrence Gerard Bathan, OIC sang Hinigaran PNP, ang biktima nga si Rommel Goroy Herrera, 28, soltero kag naga-istar man sa amo nga duog.
Ang ginatudlo naman nga suspek amo ang bayaw sini nga si John Ryan Oropel, 28, nga asawa sang iya utod.
Sunu sa imbestigasyon sang mga pulis, upod man lang nga naga-inom ang biktima kag suspek sang hinali lang sila nga may gin-awayan. Bangod sini, nagtapungolay ang duha pero gintambagan sang amay ni Rommel nga si Rudy Herrera.
Sang ulihi, nagapungko na lang si Rommel upod ang iya iloy nga si Merlita samtang ang suspek gilayon nagpamutos sang iya panapton kag naglakat sakay sa iya motorsiklo.
Mation-tion, naglakat si Merlita apang sa iya pagbalik, nakita na lamang sini si Rommel nga nagahapa-on sa salog.
Ginpukaw sini ang anak apang wala na nagahulag. Gindala pa si Rommel sa Hinigaran Emergency Clinic apang ginlawag nga patay na sang nag-atendir nga doktor.
Sa karon, padayun pa ang pag-usisa sang otoridad sa kaso kag ginpa-idalom man sa otopsiya ang bangkay ni Rommel agud mahibaluan ang kabangdanan sang iya kamatayon./PB
[/av_textblock]
[/av_one_full]
