[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’NO. 1 DRUG SUSPECT SA PAVIA, TIKLO’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Syudad sang ILOILO – Na-aresto ang gina-alegar top 1 nga drug personality sa Pavia, Iloilo paagi sa ginkasar nga drug bust operation sa Barangay Mali-ao, Pavia takna alas-11:15 sang aga kahapon.
Ginkilala ang subject sa operasyon nga si Jomarie Sumayang y Inez alyas Noknok, 36, kag residente sang nasambit man nga barangay.
Sandig sa rekord sang Pavia PNP, nagkasar sila sang drug bust kaupod ang puersa sang Provincial Drug Enforcement Unit 1 sang Iloilo Police Provincial Office kon sa diin nabaklan ang suspek sang isa ka plastic sachet sang ginasuspetsahan shabu balor P1,900.
Lakip pa gid sa nakumpiskar sa paghinakop sang suspek amo ang 11 ka mga plastic sachets sang ginapasuni shabu.
Sa interbyu sang Panay Balita kay Chief Insp. Fernand Limbungan, hepe sang Pavia PNP, ginkumpirmar sini nga si Sumayang ang top 1 sa ila priority list sa municipal level kag ginakabig nga down line sang Odicta drug group.
“Ara na sia sa top priority sa municipal level kag naka-downline sa Odicta drug group,” hambal ni Limbungan.
Depensa naman sang suspek nga ginbutang lang sang pulis ang mga shabu sa iya bulsa kag wala man sia nagagamit sang ilegal nga droga.
“Wala ako sang mahimu. Indi man akon ina, ginbutang lang nila sa akon bulsa. Bisan ipa-drug test ako way ako nagagamit,” hambal ni Sumayang.
Samtang ginasulat ini nga balita, priso na ang suspek sa karsel sang Pavia PNP kag natalana kasohan sang pagbayolar sang RA 9165 ukon Comprehensive Dangerous Drugs Act of 2002./PB
[/av_textblock]
[/av_one_full]
