[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Opisyal sang IPPO gina-angut sa ilegal nga sugal ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Syudad sang ILOILO – Ginapa-usisa subong sang regional director sang Police Regional Office (PRO) 6 sa pamunoan sang Iloilo Police Provincial Office (IPPO) ang pagtuhaw sang pangalan sang isa ka opisyal sang pulis sa probinsya sang Iloilo nga gina-alegar na-angut sa ilegal nga sugal.
Hambal ni Chief Supt. Cesar Hawthorne Binag, ginmandoan niya si Senior Supt. Marlon Tayaba, acting provincial director sang IPPO, nga usisaon kon matuod ang pagtuhaw sang pangalan sang isa ka opisyal sang IPPO nga gina-alegar protektor sang ilegal nga sugal.
Sunu pa sa director nga indi pa sia makahimu sang tikang angut sa nag-gwa nga impormasyon ilabi na nga wala pa sang ebidensya nga makatudlo sa ginatumod nga opisyal.
Pero antes pa man nagmando si Binag, nahibaluan nga nagahulag na si Tayaba para imbestigaran kon sa diin naghalin ang listahan sang gina-alegar nadalahig sa ilegal nga sugal.
Ang nasambit nga listahan ginhatag ni Board Member Domingo Oso kadungan sang pagtambong ni Tayaba sang regular session sang Sangguniang Panlalawigan sang nagligad nga semana sa kapitolyo probinsyal.
Sunu kay Tayaba, indi lang ang mga pangalan nga nalista sa duha ka pahina ang iya usisaon kundi ang source pa gid sini./PB
[/av_textblock]
[/av_one_full]