[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’ 2 ka bata nga babaye nalumos sa sapa ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Cyrus M. Garde
[/av_heading]
[av_textblock size=” font_color=” color=”]
Syudad sang BACOLOD – Patay na sang gindala sa Sipalay City Health Satellite Office ang duha ka minor de edad nga babaye nga nalumos sa sapa-sapa sa Sitio Veto, Barangay Camindangan sa Syudad sang Sipalay, Negros Occidental mga ala-una sa hapon sang Sabado.
Sunu kay Chief Inspector Romeo Vargas, hepe sang Sipalay City PNP, naga-edad sang 13 anyos ang mga biktima nga sanday Lovely Mae Planas Apas kag April Rose Basay Baynosa, lunsay naga-istar sa Purok Lagundi, Brgy. Camindangan.
Ginpahayag pa ni Vargas nga nagpaligo ang duha sa sapa-sapa matapos sila mag-ani ukon magpanguha sang mani upod ang manghod ni Lovely Mae.
Sunu pa sa imbestigasyon sang pulis nga naglagsanay ang duha ka bata samtang nagapaligo tubtob nakalab-ot sila sa madalom nga bahin sang sapa-sapa kag wala na nakabalik sa manabaw nga parte sang ila ginapaligoan.
Ginapasuni pa nga wala sila gilayon masalbar rason nga nalumos./PB
[/av_textblock]
[/av_one_full]
