[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Lalaki gintiro sang pulis sa Janiuay ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Syudad sang ILOILO – Napatay ang lalaki matapos nga gintiro sang pulis alas-9:40 sang gab-i sang Domingo sa Barangay Tiringanan, Janiuay, Iloilo.
Gindeklarar nga dead-on-arrival sa Janiuay District Hospital si Nazario Esguiran, 35, kasado kag residente sang Brgy. Balibagan, Igbaras, Iloilo, bangod sang naangkon nga patal nga pilas sa wala nga porsyon sang ulo.
Ang ginatudlo naman nga suspek amo si PO2 Abnier Catin y Eigo, 43, kasado kag residente sang Brgy. Tiringanan, Janiuay kag nadesignar sa Janiuay PNP.
Base sa imbestigasyon ni Senior Insp. John Paul Guay, hepe sang Janiuay PNP, magkaupod man lang nga naga-inom ang biktima kag suspek pero sang nahubog na sila, nagsinabad ang biktima rason nga ginsaway sang pulis pero wala ini nagpati.
Dugang pa ni Guay nga nagkuha sang botelya sang ilimnon ang suspek kag ginhaboy ang pulis rason nga nagdumogay sila tubtob nga nagtuyo sa pag-gabot sang sukbit nga patalom ang biktima rason nga napuersa ang pulis nga tiruon ini gamit ang .9mm.
Matapos ang krimen, nagsungka man ang pulis sa Januiay PNP para atubangon ang kaso kag iya man gin-turnover ang iya .9mm petro berretta pistol nga may isa ka magazine kag 12 ka mga bala.
Narekober naman sang nagresponder nga kapulisan sa ginluntaran sang krimen ang 11 pulgada nga patalom kag isa ka fired cartridge sang 9mm./PB
[/av_textblock]
[/av_one_full]