[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’2 KA MOTOR, PICKUP NAGSAMPOK ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Syudad sang ILOILO – Isa ang patay samtang tatlo naman ang pilason matapos nga nagsampokanay ang duha ka motorsiklo kag pickup sa Barangay Tabucan, Cabatuan, Iloilo.
Dead-on-arrival sa Ramon Tabiana Memorial District Hospital sa Cabatuan ang drayber sang Suzuki nga motorsiklo nga si John Porras, 30, kag residente sang Brgy. Ungka, Jaro, Syudad sang Iloilo, matapos nga nakaagom sang mga samad sa ulo kag iban pa nga bahin sang lawas.
Ginabulong naman sa amo nga ospital ang back rider sini nga si RJ Escoteña, 30, sang Brgy. Bantayan, San Enrique, nga may pilas sa tuo nga tiil kag ang drayber sang Honda nga motorsiklo nga si Ruffy Porras, 34, sang Brgy. Cabugao Sur, Sta. Barbara, nga may pilas sa wala nga abaga. Napilasan man ang angkas sini nga si Marlon Porras sang Brgy. Gines, Janiuay.
Sa imbestigasyon sang Cabatuan Municipal Police Station, madasig ang dalagan sang motorsiklo ni J. Porras halin sa banwa sang Cabatuan kag mapadulong na kontani sa direksyon sang Syudad sang Iloilo pero pag-abot sa kurbadahon nga bahin sang taytay sakop sang Brgy. Tabucan alas-cinco sang hapon sang Domingo, nawad-an ini sang kontrol sa pagmaneho rason nga naglapaw sa linya nga gina-akupar sang puti nga Toyota Hilux pickup nga ginamaneho ni Leopoldo Banquillo Jr., 49, sang Brgy. Mangil, Janiuay.
Bangod sini, nagdiretso ang motorsiklo sang napatay sa bumper sang pickup kag natumba rason nga nakabunggo man diri ang nagasunod nga motorsiklo ni R. Porras.
Ang resulta, nagtangkasanay ang mga biktima kaupod ang ila duha ka mga motorsiklo sa atubang sang pickup nga nahalitan man sa aksidente.
Gin-aresto naman sang kapulisan ang drayber sang pickup para sa nagakaigu nga disposisyon./PB
[/av_textblock]
[/av_one_full]