[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’ Kamatayon sang priso sa Passi, imbestigaran sang IPPO ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Syudad sang ILOILO – Ginsugoran na sang Iloilo Police Provincial Office (IPPO) ang pag-imbestigar sa gintunaan sang kamatayon sang isa ka priso sa Passi City Police Station sang nagligad nga semana.
Sunu kay Senior Supt. Marlon Tayaba, acting director sang IPPO, ginmando na niya ang pag-imbestigar sa kamatayon ni Jomar Lorizo sang Sibacungan, Lambunao, Iloilo nga ginapasuni napatay bangod sang kastigo sang pila ka mga pulis sang Passi City PNP sandig man sa alegasyon sang amay sini.
Pamatuod man nga napatay si Lorizo sa kastigo amo ang resulta sang autopsy examination nga ginhimu ni Dr. Owen Libaquin, Medico Legal Officer sang Police Regional Office 6, kon sa diin nagapakita nga nasobrahan sang kastigo ang biktima.
Bangod sini, gusto ni Tayaba nga mabal-an kon may foul play sa kamatayon ni Lorizo para mapanabat ang mga miembro sang Passi City PNP nga nagpangamot sa hitabu.
Matandaan nga isa si Lorizo sa tatlo ka mga suspek nga ginapasuni nagbunu sa pulis nga si PO2 Chito Aguilario nga nagresponder sa komosyon nga gintuga sang grupo ni Lorizo kag grupo nanday Gregorio Palencia kag Arnold Palec sa Dalan Palmares, Brgy. Poblacion Ilawod, Syudad sang Passi sadtong Septyimbre 27 sang gab-i.
Gin-aresto si Lorizo kag ginlupot sa karsel apang nagreklamo ini sang pagpalanakit sang tiyan dala sang pagkastigo sang ginapasuni pila ka mga pulis rason nga gindala sang iya himata sa ospital tubtob nga ginbawian sang kabuhi./PB
[/av_textblock]
[/av_one_full]
