[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Ex-army gintiro-patay sa Murcia ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Cyrus M. Garde
[/av_heading]
[av_textblock size=” font_color=” color=”]
Syudad sang BACOLOD – Patal nga pilas sa ulo kag lima ka iban pa nga kapilasan sa tiyan kag lawas ang ginkamatay sang anay soldado nga gintiro sa Brgy. Amayco, Murcia, Negros Occidental mga alas-7:30 sa aga kahapon.
Ginkilala ni Senior Inspector Ryan Santillan, hepe sang Murcia PNP, ang biktima nga si Benito Neparanom, 45, may asawa kag taga-Purok Kalubihan, Brgy. Amayco.
Sandig sa report nga nagdul-ong ang biktima kag iya asawa sang ila bata sa eskwelahan sakay sa motorsiklo. Nagsulod sa eskwelahan ang asawa samtang nabilin sa iya motorsiklo ang biktima.
Diri na kag ginpalapitan sia sang duha ka armado nga mga suspek kag gintiro.
Ginapahayag pa nga tuyo pa kontani sang asawa nga palapitan ang iya bana apang pati sia ang gintayaan sang pusil sang isa sa mga suspek nga nagabayo sang maong kag jacket.
Matapos ang krimen, gilayon nga nalagyo ang mga suspek sakay sa motorsiklo.
Anum ka mga basiyo sang bala kag duha ka slug sang kalibre .45 ang narekober sang mga pulis sa eksena sang krimen.
Sunu sa mga pulis nga may gina-atubang nga kaso nga paghimulos ang biktima sa korte sa Murcia. Kag amo ini karon ang ginatutokan nila nga posible motibo bangod may ara nga mga pamahaog sa kabuhi sining biktima./PB
[/av_textblock]
[/av_one_full]
