[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Motor nakabunggo sa van, 2 patay ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Syudad sang ILOILO – Patay ang duha ka lalaki nga sakay sa motorsiklo nga nakabunggo sa nasumalang nga van sa Dalan Osmeña, Barangay San Jose, distrito sang Arevalo alas-2:45 sang kaagahon kahapon.
Gindeklarar nga dead-on-arrival sa The Medical City ang drayber sang motorsiklo nga si Julius Gelvoleo, 25, kag ang backrider nga si Francine Rampart Naldoza, 23, lunsay residente sang Barangay Cabasi, Guimbal, Iloilo.
Nakaagom ang mga biktima sang patal nga pilas sa ulo kon sa diin naghuray-ad gid sila sa tunga sang dalan matapos nga nagtabog gikan sa ila motorsiklo.
Sa imbestigasyon ni PO2 Ricky Andamoy, traffic investigator sa Arevalo Police Station, gikan sa Smallville Complex sa distrito sang Mandurriao ang mga biktima kag mapauli na kontani sa Guimbal pero pag-abot sa kurbadahon nga dalan sa Dalan Osmeña, nag-overtake sila sa ginasundan nga pribado nga salakyan rason nga wala nila nakit-an ang nagapadulong nga van nga may plate number AAR-3732 nga mapadulong naman sa Iloilo Terminal Market kag ginamaneho ni Nelson Delos Reyes, 52, sang Dalan Cabaluna, Leon Iloilo.
Kasunod sang aksidente, nagsungka man si Delos Reyes sa Arevalo PNP./PB
[/av_textblock]
[/av_one_full]