[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Mga pasahero stranded sa Lapuz port bangod sa pugada ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Syudad sang ILOILO – Angut sa pagkanselar sang biyahe sang pila ka mga sakayan sa isla sang Panay bangod sang pugada, masobra 100 ka mga pasahero ang na-stranded sa puerto sa distrito sang Lapuz diri kahapon.
Base sa datus sang Philippine Coast Guard (PCG)-Iloilo, tubtob alas-dos sang hapon masobra na 100 ka mga pasahero ang stranded bangod wala ginpasugtan nga makabiyahe ang isa ka barko nga mapadulong kontani sa Puerto Princesa, Palawan bangod sang ginpapanaog nga gale warning ukon pugada sang Department of Science and Technology (DOST) subongman sang low pressure area sa Palawan.
“Yes, Milagrosa bound to Puerto Princesa, Palawan. Mga 100 plus siguro and ara lang sila sa terminal while waiting sa gale warning nga e-lift,” sabat ni Commander Ramil Palabrica sang PCG-Iloilo sa interbyu sang media.
Bangod sini, nagapabilin sa puerto sang Lapuz ang mga pasahero kag nagahulat nga mabawi sang DOST-Iloilo ang ginpapanaog nga gale warning.
Magluwas diri, ginkanselar man sang PCG-Iloilo ang biyahe sang pila ka mga fast craft halin sa Syudad sang Iloilo padulong sa Bacolod kag vice versa luwas sa dalagku nga mga barko nga makasarang sa paghampak sang dalagku nga balud.
“Iloilo-Bacolod cancelled halin yesterday mga 2 p.m. kay may gale warning diri sa south coast of Iloilo kag southern coast man sang Negros. Until such time indi ma-lift gale warning kay upon issue of PAGASA 5 a.m. this morning may gale warning man gihapon diri sa Southern Iloilo kag South coast sang Negros,” dugang ni Palabrica.
Samtang padayun naman man ang biyahe sang barko kag ro-ro vessel halin sa Dumangas, Iloilo padulong sa Negros Occidental kag pabalik.
Ang pagbiyahe sang pump boat halin sa Parola Wharf padulong sa Jordan, Guimaras kag pabalik ang ginapasugtan tubtob alas-sais kagab-i samtang tubtob alas-siete sang gab-i ang biyahe sang pumpboat padulong sa Buenavista, Guimaras.
“This is to inform the public that trips of motorbanca from Iloilo to Jordan, Guimaras and vice versa is up to 6 p.m. today due to inclement weather condition and gale warning prevailing in Guimaras and Iloilo. Safety of passengers and vessel is paramount at all times,” anunsyo ni Palabrica sa iya Facebook page./PB
[/av_textblock]
[/av_one_full]
