[av_textblock size=” font_color=” color=” av-desktop-hide=” av-medium-hide=” av-small-hide=” av-mini-hide=” av-medium-font-size=” av-small-font-size=” av-mini-font-size=”]
[/av_textblock]
[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’PDEA, gina-abi-abi pagbalik sang PNP sa away vs droga ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
Ni Ime Sornito
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
Syudad sang ILOILO – Gina-abi-abi sang Philippine Drug Enforcement Agency (PDEA) ang pagbalik sang Philippine National Police (PNP) sa kampanya kontra ilegal nga droga.
“The Philippine Drug Enforcement Agency welcomes the return of the Philippine National Police in anti-drug operations as ordered by President Rodrigo Roa Duterte,” pahayag sang PDEA-6 sandig man sa opisyal nga statement sang ila central office.
Dugang pa sang PDEA-6 nga madugay na nga gusto sang ila central office sa pagpamuno ni Director General Aaron Aquino nga magbalik ang PNP sa kampanya kontra ilegal nga droga ilabi pa nga kulang sila sa tinawo, pundo, kagamitan, kag labi sa tanan kinahanglan sang iban nga law enforcement agencies nga magbulig para mangin madinalag-on ang kampanya kontra ilegal nga droga.
Sa pihak sini, ginpabugal sang PDEA nga umpisa nga gintugyan sa ila ni Duterte ang gahum sa pagpatuman sang kampanya kontra droga sadtong Oktubre 11, 2017, nakahimu sila sang 2,161 ka mga operasyon nga nagresulta sa pagka-aresto sang 750 ka mga durogista kag pagkumpiskar sang balor P104.10 milyon nga ilegal nga droga.
Nahibaluan nga nagpagwa sang memorandum order sang Martes si Duterte nga pormal nga nagabalik sa PNP, National Bureau of Investigation, Armed Forces of the Philippines, kag iban pa nga mga law enforcement agencies sa pungsod sa kampanya batok sa ilegal nga droga.
Bangod sini, ginpasalig man sang Police Regional Office 6 paagi sa ila tagpamaba nga si Supt. Gilbert Gorero nga nakahanda sila sa away kontra droga kag handa man sila nga padayunon ang Oplan Double Barrel./PB
[/av_textblock]
[/av_one_full]