[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’PCG-Iloilo handa na sa bagyo ‘Vinta’ ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
Ni Ime Sornito
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
Syudad sang ILOILO – Wala man nadala ang probinsya sang Iloilo sa mga lugar nga ginpa-idalom storm signal bangod sang bagyo “Vinta,” pero ang Philippine Coast Guard (PCG)-Iloilo nagapanghanda gihapon para masiguro nga makaresponder gilayon kon kinahanglanon.
Sa interbyu sang Panay Balita kay Lieutenant Commander Ramil Palabrica sang PCG-Iloilo, nagsapol sila kaupod ang Police Regional Office 6, Office of the Civil Defense (OCD) 6, Red Cross, Philippine Atmospheric, Geophysical and Astronomical Services Administration (Pagasa), kag iban pa nga mga ahensya sang gobyerno kahapon para ma-istoryahan ang pagahimuon ingkaso mapa-idalom ano man nga oras ang Iloilo ukon rehiyon 6 sa storm signal.
“Sa upcoming typhoon, nag-meeting kami kaina sa OCD-6 kag mga other agencies para hambalan ang panghanda kon mag-abot gid man ang bagyo,” siling ni Palabrica.
Kasunod man ini sang prediksyon sang Pagasa nga posible madala ano man nga oras ang rehiyon 6 sa mga lugar nga ginpa-idalom sa storm signal samtang nagapalapit sa duta ang bagyo.
Ginpasiguro man ni Palabrica nga handa ang mga katapo sang PCG-Iloilo sa pagresponder sa baha ukon landslide kon sa diin nagbutang sila sang team nga magaresponder tion sang kalamidad kag kumpleto ang mga ini sa kagamitan.
“Ang PCG may ara kamo sang DRT ukon Deployable Response Team nga maga-respond anytime sa emerhensya like baha,” dugang ni Palabrica.
Tubtob kahapon naman sang hapon wala pa sang nakanselar nga biyahe sang sakayan ang PCG-Iloilo bangod nagapabilin nga makanay ang sitwasyon sa dagat kag wala man sang storm signal sa Iloilo./PB
[/av_textblock]
[/av_one_full]