[av_textblock size=” font_color=” color=” av-desktop-hide=” av-medium-hide=” av-small-hide=” av-mini-hide=” av-medium-font-size=” av-small-font-size=” av-mini-font-size=”]
[/av_textblock]
[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’MGA PLAZA MANGIN FIRECRACKER ZONES ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
Ni Joel Franco
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
Syudad sang ILOILO – Mangin firecracker zones kag fireworks display area ang tanan nga public plazas sang syudad, base sa Executive Order (EO) 153 ni Mayor Jose Espinosa III.
Ini nga mga plaza ginalakipan sang Arevalo Plaza, Jaro Plaza, Lapuz Plaza, La Paz Plaza, Mandurriao Plaza, Molo Plaza, kag Plaza Libertad sa City proper.
Nagakahulugan ini nga ang mga plaza lamang ang mahimu magamit bilang palukpan sang firecrackers kag fireworks bilang pagsug-alaw sa bag-ong tuig.
“Kay naka-executive order na kita nga nagapasugot sa pagbaligya, so kon indi kita mag-issue sang executive order subong nga puede makapalupok sa plaza, then there is a possibility nga indi nila mapalupok ang ila ginpangbakal,” paathag ni Espinosa.
Sunu sa alkalde tuman ka confusing ang mga issuances sang national government. Partikular na diri ang EO 28 ukon pagsulondan nga nagahatag sang regulation kag kontrol sa paggamit sang firecrackers kag iban pa nga pyrotechnic devices.
Ginamando naman sang EO 153 ni Espinosa nga siguraduhon nga sundon ang safety measures sa pagpalupok sang mga firecrackers kag pyrotechnics sa mga plaza.
Nahibaluan nga nakigsapol pa ang alkalde sa kapulisan kag Bureau of Fire Protection (BFP) antes nagdesisyon nga magpagwa sang EO. Paathag pa sang alkalde nga ang EO niya nagatuyo nga masigurado ang kaluwasan sang publiko.
Dugang pa niya nga mahimu man makadesignar sang ila kaugalingon nga lugar ang mga barangay apang dapat magsunod sa pagsulondan sang BFP kag Philippine National Police. Librehon man sang alkalde sang permit fee ang barangay kon may makita sila nga lugar nga puede mahimu nga fireworks/pyrotechnic areas./PB
[/av_textblock]
[/av_one_full]