[av_textblock size=” font_color=” color=” av-desktop-hide=” av-medium-hide=” av-small-hide=” av-mini-hide=” av-medium-font-size=” av-small-font-size=” av-mini-font-size=”]
[/av_textblock]
[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’ ‘ASWANG’ SA SYUDAD Soltero nga nagakatulog gin-atake sang ‘aswang’ sa Mandurriao ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
Ni Ime Sornito
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
Syudad sang ILOILO – Nagtuga sang kakulba ang gina-alegar pag-atake sang ginapatihan aswang sa 22-anyos nga soltero sa Fajardo Compound sa Dalan Q. Abeto, distrito sang Mandurriao diri pasado alas-cuatro sa kaagahon kahapon.
Base sa alegasyon ni Jeepoy Taberna, naga-obra sa compound sang pamilya Fajardo, nagahapa sia nga nagakatulog sa terrace sa ikaduha nga panalgan sang balay sang nakabugtaw sia sang gulpi lang sia ginsakyan sang isa ka tinuga nga tuman ka pagros, madanlog ang lawas kag may malagba sang kuko.
Gina-alegar man ni Jeepoy nga gin-uyatan sang tinuga ang iya liog kag ginkuga sia. Kasunod sini, ginpilit niya nga iwaslik ukon kakason ang mga kamot nga nagakuga sa iya apang napaslawan sia tungod tuman ini ka kusog.
Ginabanta man ni Jeepoy nga masobra tatlo ka minutos ang iya pag-away sa tinuga nga ginapatihan niya nga aswang antes sia nakasinggit sang todo kag nakapangayo sang bulig sa mga kaupod niya sa balay.
“Gabatang ako di tapos nagahapa ko di. Tapos gulpi lang may nagsakay sa likod ko kag ginkuga ya ako. Mo to nagbangon ko. Nagwalak-walak ako tapos ginsiko-siko ko sia gani tapos nagabatu mangod. Tapos naggwa ako, tapos pagdalagan ko ginhawiran ya ako bisan nagadalagan ako. Pero nakasinggit ako nga ‘aswang-aswang,’” panasayon pa sini.
Diri naman dayon kag nagpalagyo ang ginapatihan sini nga aswang paagi sa paglumpat sa idalom sang terrace kag madasig nga nagsaka naman sa mataas nga pader para makagwa sa compound.
Pero antes nakapalagyo ang ginapatihan nga aswang, nakit-an pa gid ini sang isa pa gid ka helper sang pamilya Fajardo nga nagsaka sa pader malapit sa puno sang Indian mango.
Ginlagas pa kontani sang helper ang ginapasuni niya lalaki nga aswang paagi sa pagbukas sang gate pero wala na niya maabtan.
Ang nasambit naman nga insidente nagbilin sang mga bagras kag kinarusan sa liog ni Jeepoy.
Gindugang pa nga sugid ni Jeepoy nga antes natabu ang pag-atake sang ginapatihan aswang, makapila ka beses na sia nga nakabati sang huni sang tiktik pero wala niya ginsapak sa pagpati nga pispis lang yadto./PB
[/av_textblock]
[/av_one_full]