[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’12 KA BALAY GINLAMON SANG KALAYO’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
Ni Ime Sornito
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
Syudad sang ILOILO – Naubos lamon sang kalayo ang 12 ka mga balay samtang duha naman ang parsyal nga nahalitan sa nagluntad nga sunog sa Zone 1, Barangay Cubay, distrito sang Jaro diri alas-12:58 sang kaagahon kahapon.
Ang mga balay nga totally damaged ginapanag-iyahan nanday:
* Rose Marie Balayo nga ginarentahan ni May Jacones
* Richard Hernandez
* Maricar Hernandez
* Rafael Hernandez
* Marites Palomita
* Randy Landrio
* Esperanza Castillo
* Gemma Bilbao
* Teresita Caceres
* Anabel Bilbao
* Susan Espino
* Reniel Hernandez.
Parsyal naman nga nahalitan ang mga balay nanday Rose Marie Sustento kag Eva Juele.
Sandig sa imbestigasyon ni Fire Officer 3 Denmark Macoco, fire and arson investigator sang Bureau of Fire Protection (BFP) – Iloilo City, nagsugod ang kalayo sa tunga-tunga sang dingding sa nakatungdan nga porsyon sang kwarto nga gina-akupar ni Ariel Valdemoro sa balay nga ginarentahan ni Jacones.
Sa interbyu naman sang Panay Balita kay Fire Marshall Chief Insp. Cristopher Regencia, natukiban nila nga tuman na ka daan sang mga outlet sa kwarto ni Valdemoro nga posible gintunaan sang short circuit rason sang sunog.
“Doon sa boarding house nga mayroong boarders doon nakita ‘yong lumang-luma na outlet at dami ang nakagamit doon na posible nag-overload ang koryente sa kwarto na ‘yon,” siling ni Regencia.
Nahibaluan pa nga alas-2:14 na sang kaagahon nagdeklarar sang fire-out sang BFP bangod nga nabudlayan sila nga mapalong ang kalayo bangod nga human sa light materials ang nasunog nga mga balay.
Ginabanta man sang BFP nga yarasa P200,000 ang balor sang ginbilin nga halit sang sunog nga nagsamad naman kay Valdemoro nga nakaagom sang first degree burn sa likod./PB
[/av_textblock]
[/av_one_full]