[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Mga estudyante, manunudlo sang San Dionisio nahilu sa Dumangas’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
Ni Ime Sornito
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
January 15, 2018
[/av_textblock]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
Syudad sang ILOILO – Masobra 70 ka mga estudyante kag manunudlo ang ginapasuni nahilu matapos nga nagtambong sang “Barkada Kontra Droga” sa Dumangas National High School sa Dumangas, Iloilo.
Base sa inisyal nga report sang Dumangas Police Station, una nga nakabatyag sang pagsakit sang tiyan, ginlupot kag nagsuka ang 48 ka mga estudyante kag manunudlo sang San Dionisio, Iloilo alas-2:40 sang kaagahon sang Sabado matapos nga nagkaon sang kan-on kag sud-an nga karne nga may mushroom nga ginserbe sang catering service nga ginapanag-iyahan ni Joel Dionela.
Bangod sini, ginpangdala ang mga estudyante kag manunudlo sa Ramon Duremdez District Hospital sa Dumangas para madapatan sang pagbulong.
Base naman sa report sang Bombo Radyo Iloilo kahapon sang hapon, nagsaka na sa masobra 70 ka mga estudyante kag manunudlo ang gindala sa ospital matapos nga nagareklamo sang kasubong nga sintomas.
Sunu kay Dr. Cristy Magracia sang nasambit nga ospital, base sa resulta sang laboratory tests sang mga biktima, natukiban nga madamo sila sang bacteria sa lawas. Nakaangkon man ang iban sang amoebiasis samtang ang iban nagasuprer sang urinary tract infection ukon UTI.
Posible man, sunu kay Magracia, nga nabulad sa init ang pagkaon sang mga biktima bangod nga open ang gym nga ginhiwatan sang “Barkada Kontra Droga.”
Gindula man sang doktor ang kahangawa sang mga himata sang mga biktima matapos nga nakagwa na sa ospital kag nakapauli ang iban nga mga pasyente./PB
[/av_textblock]
[/av_one_full]