[av_textblock size=” font_color=” color=” av-desktop-hide=” av-medium-hide=” av-small-hide=” av-mini-hide=” av-medium-font-size=” av-small-font-size=” av-mini-font-size=”]
[/av_textblock]
[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Trak vs L300 van: 2 patay ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
Ni Ime Sornito
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
January 15, 2018
[/av_textblock]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
Syudad sang ILOILO – Ginbawian sang kabuhi ang duha ka persona samtang apat naman ang pilason sa nagluntad nga pagbunggoanay sang trak kag L300 van sa Barangay Pulo Maestra Vita, Oton, Iloilo alas-10:30 sang Sabado sang gab-i.
Dead-on-arrival sa The Medical City ang drayber sang L300 van nga si Rainer Grecia y Janola, 27, residente sang Barangay Dungon C, distrito sang Mandurriao, bangod sang naangkon nga mga samad sa ulo kag iban pa nga bahin sang lawas.
Napatay naman sa Western Visayas Medical Center (WVMC) ang isa sa lima ka mga pasahero sini nga si Romero Veloso, 35, residente sang Barangay Dungon C, Mandurriao, bangod sang samad sa lawas.
Samtang padayun nga ginabulong sa WVMC ang apat pa ka mga pasahero ni Grecia nga lunsay tumandok sang Sitio Camile, Barangay Bungca, Barotac Nuevo, Iloilo, nga lunsay nakaagom sang mga pilas sa ulo kag iban pa nga bahin sang lawas nga sanday:
* Ronel Diaz y Valeriano, 19
* Angelo Bernardo y Usbo, 18
* Marte Buenavista y Bedia, 20
* Femond Bito-onon y Vasquez, 25.
Base sa imbestigasyon sang Oton Municipal Police Station (MPS), halin sa distrito sang Jaro ang Isuzu truck wing van nga ginamaneho ni Gerry Tingal y Resutay, 40, kag residente sang Barangay Crossing Cabalass, Toboso, Negros Occidental kag mapadulong na sa San Jose, Antique. Pero pag-abot sa Barangay Pulo Maestra Vita, gulpi lang sia ginbunggoan sang L300 van nga naga-usoy sang dalan padulong naman sa direksyon sang syudad.
Gina-alegar nga nang-agaw sang linya ang L300 van rason nga nakabunggo sa nasumalang nga trak.
Sa interbyu sang mga katapo sang media kay Tingal, siling sini nga malayo pa lang nakita na niya ang pag-ekis-ekis sang van rason nga nagpreno sia pero nakibot sia nga nakabunggo na ini sa iya trak.
Kasunod man sang aksidente, nagsungka sa Oton MPS si Tingal./PB
[/av_textblock]
[/av_one_full]