[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Huya-huya man abi gamay kay sala n’yo man na!’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
BY JOEL FRANCO
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
January 27, 2018
[/av_textblock]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
SALA n’yo man na!
Ini ang masiling ko kay Mayor Jose Espinosa III kag sa city council sang syudad. Ini bangud tubtob subong wala nila napangitaan sang solusyon ang problema sa plaza sang Jaro sa tagsa ka magpyesta si Nuestra Señora de la Candelaria.
Sa matuod lang madayun man lang na ang pista kun wala sang fair-fair nga ginatawag. Sa matuod lang ginahingalitan sang iban da ang tradisyon agud makanegosyo sa plaza.
Sa masobra ko na isa kag tunga ka dekada sa media, kada tuig nagamurto ang problema sa Jaro. Tuig-tuig na lang isyu ang baligyaanay sa plaza kag sa palibot sini.
Nagligad nga tuig grabe man ‘ni ang wangal sang iban kontra sa Jaro fair. Pero pagkatapos sang pista wala man sila sang nahimo. Pag-abot sang pista, bantay naman kun may aktibidad sa plaza kag liwat magburoka ang hingod-hingod.
Dinekada na ina nga problema pero ngaa wala gid nakadihon sang solusyon sa problema ang syudad?
Ang konseho nga mahilig magkondinar sa akto sang akalde wala man sang ginahimo. Tanan ibase lang pirme sa Section 21 sang Local Government Code, etc…
Ang problema sa Jaro Plaza indi lang masolbar sa pagsandig sa legalidad. Dapat tan-awon ang realidad. Tan-won ang matuod nga sitwasyon kag magdihon sang solusyon.
Pero wala man sang ginahimo ang syudad kag konseho. Kada tuig banggianay lang sang legalidad ang ila obra. Wala kamo nahuya? Palareho lang kamo nga may kapaltahan. Magnagay kamo tudloanay. Lunsay kamo wala nagatuman sang inyo mandato sa pagserbisyo sa publiko. Indi kamo magpinatinlotinlo kay tanan kamo dapat sukton sang publiko.
Sa mga kapitan sang Jaro, indi bala kamo makapaiway kag indi na lang mag-conduct sang fair-fair nga ina? Abi ang himuon n’yo popularity contest na lang. Kun sin-o ang gusto nga mag-muse sang Jaro Fiesta sya ang maggasto sang tanan. Indi nga negosyohan n’yo pa ang plaza.
Wala na gid kamo ‘ya huya nga kada tuig ginayawyaw kamo? Pakabal na lang gid ‘ya?
Ay ahay, huya huya man abi kamo! (jpranco1975@gmail.com/PN)
[/av_textblock]
[/av_one_full]
