[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Nagtiro sa maestra sa Tigbauan, kilala na’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
Ni Ime Sornito
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
February 3, 2018
[/av_textblock]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
Syudad sang ILOILO – Nakilala na ang gina-alegar gunman nga nagtiro sa maestra sang Tigbauan National High School sa banwa sang Tigbauan, Iloilo sadtong Enero 29.
Sunu kay Senior Inspector Hermogenes Eulatic, hepe sang Tigbauan PNP, ini amo si Henry Hermogenes, legal ang edad kag tumandok sang Barangay Angare, Dueñas, Iloilo.
Nakilala si Hermogenes paagi sa ginhatag nga impormasyon sang impormante nga nakakita sang footage sang closed-circuit television camera.
Sang ginpakita naman sang Tigbauan PNP ang laragway ni Hermogenes sa biktima nga si Lany Tamagos, 26, dalaga kag residente sang Brgy. Buenavista, Tigbauan, positibo niya ini nga ginkilala nga amo ang nagtiro sa iya magtimbang nga tuhod samtang nagasakay sia sa traysikol para magpauli sa ila balay.
Gilayon nga nagpadulong sa Dueñas ang mga miembro sang Tigbauan PNP para kontani nga arestuhon ang suspek apang gin-alegar sang ka-live-in partner ni Hermogenes nga si alyas Connie nga wala na makapauli ang iya karelasyon umpisa sadtong Enero 15 matapos nga naglisensya nga mapadulong sa Syudad sang Roxas para magbalik sa trabaho bilang manog-deliver sang seafoods sa mga restaurants. Wala naman ini maka-contact sa iya tubtob subong.
Nagapati man ang Tigbauan PNP nga ginsugo lamang ang suspek nga tiruhon ang maestra bangod nga indi man ini kilala sang biktima.
Sa karon, ginahanda na sang Tigbauan PNP ang pagpasaka sang kaso nga frustrated murder kontra sa suspek kag kaupod sini nga drayber sang motorsiklo nga ginsakyan sa paghimu sang krimen./PB
[/av_textblock]
[/av_one_full]