[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’8 ka persona nagsungka sa ‘Tokhang’ sang ICPO’ tag=’h3′ style=’blockquote modern-quote’ size=’30’ subheading_active=’subheading_below’ subheading_size=’18’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
Ni Ime Sornito
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
February 9, 2018
[/av_textblock]
[av_textblock size=’18’ font_color=” color=” av-medium-font-size=” av-small-font-size=” av-mini-font-size=” admin_preview_bg=”]
Syudad sang ILOILO – Umpisa nga nagbalik ang Oplan Tokhang sang Philippine National Police sang Disyembre 2017, nagdangat na sa walo ka mga persona ang nagsungka sa Iloilo City Police Office (ICPO).
Base sa datus ni Senior Inspector Shella Mae Sangrines, tagpamaba sang ICPO, nagsungka ang walo ka mga persona humalin sang Disyembre 2017 tubtob Pebrero 7, 2018 sa nagkalain-lain nila nga mga istasyon sang pulis sa syudad.
Sa nasambit nga walo, duha ang ginakabig nga high-value target (HVT) nga nagsungka sa Jaro PNP kag ang nabilin nga anum mga street level target (ST) nga nagsungka sa Jaro PNP kag La Paz PNP.
“As of today halin sang December 13, 2017 asta kahapon may ara kita nag-surrender nga duha ka HVT kag may anum ka SLT,” kumpirmasyon ni Sangrines.
Luwas diri, naka-aresto man ang ICPO sang apat ka mga high-value target paagi sa ila ginkasar nga drug bust operation.
Namutikan man ni Sangrines nga kada magkadto ang team sang ICPO nga nadesignar sa Tokhang sa mga balay sang mga HVT kag SLT, masami nga wala ang mga subject persons kag ang ila lang pamilya ang naga-atubang sa mga pulis.
“Ang gina-tokhang so far sa city halos damo na, ugaling may common nga senaryo kon sa diin halos kalabanan nga gina-tokhang is wala na sa ila panimalay,” dugang sini.
Bangod sini, gina-engganyo sang mga pulis ang pamilya sang mga natungdan nga piliton ang mga ini nga magsungka para makuhaan sang profile kag mapaidalom sa rehabilitation program kon kinahanglan ilabi na ang mga drug users./PB
[/av_textblock]
[/av_one_full]