[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Opisyal, PO1 sa IPPO gin-relieve’ tag=’h3′ style=’blockquote modern-quote’ size=’30’ subheading_active=’subheading_below’ subheading_size=’18’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
Ni Ime Sornito
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
February 10, 2018
[/av_textblock]
[av_textblock size=’18’ font_color=” color=” av-medium-font-size=” av-small-font-size=” av-mini-font-size=” admin_preview_bg=”]
Syudad sang ILOILO – Epektibo sadtong Huwebes, Pebrero 8, gin-relieve sa puesto ang isa ka opiyal kag police officer 1 (PO1) sang Iloilo Police Provincial Office (IPPO).
Nagpapanaog sang mando si Chief Superintendent Cesar Hawthorne Binag, director sang Police Regional Office (PRO) 6, nga i-relieve sa puesto sanday Supt. Ruby Gumban nga nagaserbe tagpamaba sang IPPO kag PO1 Mike Tagacay matapos nga gina-alegar nadalahig sa illegal gambling sa probinsya sang Iloilo.
Sa interbyu sang Panay Balita kay Supt. Gilbert Gorero, tagpamaba sang PRO-6, ginsaylo sanday Gumban kag Tagacay sa Regional Holding and Accounting Unit sang PRO-6 para indi maimpluwensyahan ang patigayunon nga imbestigasyon angut sa nakalab-ot nga reklamo sa opisina ni Director Atty. Joseph Celiz sang National Police Commission (Napolcom) 6 kag nabatian man sa media sang PRO-6 nga gina-alegar nadalahig ang duha sa ilegal nga pasugal.
Pero wala pa man makahibalo si Gorero kon ano nga team ang ma-imbestigar kag kon san-o masugod.
“Well, the matter was brought to the attention of the regional director sang Napolcom-6 nga allegedly may involvement sa illegal gambling and consistently there was a radio report nga nakalab-ot sa amon,” siling ni Gorero.
Ginklaro naman sini nga wala nagakahulugan nga guilty na sa amo nga reklamo ang duha ka pulis kag ang tuyo lang sang pag-relieve sa ila amo nga mahatagan sang ligwa ang imbestigasyon sang PRO-6 ukon IPPO man.
Una nga nagtuhaw ang pangalan ni Gumban nga ginapasuni nadalahig sa ilegal nga pasugal sang nadala ang iya pangalan sa ginhatag nga listahan sang impormante sa Sangguniang Panlalawigan sang probinsya sang 2017 angut sa mga personalidad nga nadalahig sa ilegal nga droga sa Iloilo.
Pero ginpanginwala ni Gumban ang alegasyon sa interbyu sang mga katapo sang media.
Bisan si Senior Supt. Marlon Tayaba, director sang IPPO, nagklaro man sa pangalan ni Gumban matapos nga nagkasar sang pag-usisa sa mga banwa sang Oton, San Rafael kag Syudad sang Passi kon sa diin nakaagi pungko bilang hepe si Gumban.
Nagapati man si Tayaba nga pangguba lang sa imahen sang opisyal ang pagdalahig sa iya sa ilegal nga pasugal./PB
[/av_textblock]
[/av_one_full]