[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Ginapamuklat sa kamatuoran’ tag=’h3′ style=’blockquote modern-quote’ size=’30’ subheading_active=’subheading_below’ subheading_size=’18’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
BY ROBERTO ‘BERT’ LADERA
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
Sunday, March 4, 2018
[/av_textblock]
[av_textblock size=’18’ font_color=” color=” av-medium-font-size=” av-small-font-size=” av-mini-font-size=” admin_preview_bg=”]
NAGATUHAW ang kulba kag kahangawa nga wala sang mabakod nga balasehan kag wala sang maathag nga madangatan.
Pila ka higayon na nga napaslawan ang kahadlok nga makatuga sang negatibo nga epektibo sa aton pagpangabuhi, sa palangabuhian kag sa aton palaligban.
Daw malupok gid ang butsi sadto sang mga negosyante sa syudad kag mismo pila ka mga personalidad sa patag sang pulitika kag negosyo ang nagpabutyag sang ila kahangawa sa malain nga epekto nga matuga sang pagbansag sa Iloilo bilang “shabulized” kag “bedrock of illegal drugs.”
Ginkwenta nila ang matuga nga huol sa turismo, ang halit sa negosyo sang mga hotels kag ang mga nagpakanselar sang ila pagpadulong diri bangud sa pagbansag ni Presidente Rodrigo Duterte sa Iloilo.
Naghiwat sila sang prayer rally, nagpamisa sa simbahan, nagtipon kag nagsindi sang kandila, nagtipon kag nagpanwagan nga bawion ang bansag, nga untatan ang pagbansag bangud sa kahangawa nga magatuga sang daku nga kahul-anan sa negosyo.
Masaku ang ginhiwat nga mga sinapol, masami ang ginhimo nga pagpabutyag kag halos pakamalauton sang iban ang Presidente bangud sa iya ginbungat, bangud sa iya pahayag nga kuni nagmantsa sa manaya-naya nga dagway sang Iloilo.
Ang ila kahangawa wala sang pulos bangud nga napamatud-an nga wala sang epekto kag mas pa nga nagdamo ang bisita nga nagpadulong sa Iloilo. Ginpanindugan ini sang Department of Tourism base sa ila natipon nga datus. Kag napamatud-an man nga ang mga nagpanguna sadto nga mga negosyante sa ila pagpabutyag ang may kapaslawan sa pag-amlig sa ila mga kliyente.
Wala man sang may nalipong sang ginbungat yadto sang Presidente ang pagbansag, wala man sang negosyante nga naputo ang negosyo, kag wala man sang turista nga nagreklamo.
Kangay karon sa nagakatabu sa isla sang Boracay nga gintawag man sang presidente nga mahigko nga lugar. Madamo ang nagreklamo, madamo ang nagbatyag sang kahangawa.
Ginakabalak-an nila nga maapektuhan ang turismo, nagapangalag-ag sila nga madulaan sila sang palangabuhian, apang ang bag-o nga datus sang Department of Tourism nagasiling nga mas nagadamo ang bisita, wala sila nabalaka, wala sang naapektuhan kag halos indi mapunggan ang ila pagpadulong sa isla sang Boracay.
Maathag nga ang ginahimo sang presidente amo ang pagpamuklat sa mga nagamurarat nga mata apang indi makakita, ukon sa mga nagabulag-bulag sa sitwasyon nga ila ginalantaw.
Nasobrahan na sa pagpaminsar kon paano makaganar apang wala ginapaligban kon paano mapabilin ang nagaisahanon nga manggad nga nagahatag sang tayuyon nga benepisyo para sa tanan.
Kaangay sa Iloilo, luyag lang sang presidente nga buksan ang pang-ino-ino sang tanan nga dapat may himuon agud matapna ang ilegal nga druga kag mapabilin ang kalinong kag katawhay sang Iloilo.
Kasubong sa isla sang Boracay, luyag sang presidente nga amligan ang palibot, ipaiway ang pagkamasa sang dunang-manggad, hatagan sang kabilinggan ang kaanyag sang isla kag kontrolon ang kadalok sa kwarta.
Ang tanan nga pagbansag masakit sa dulunggan, nagatuslok sa dughan, nagapulpog sa bugal apang ini ang nagapatay-og sa aton kaugalingon nga mag-ulikid.
Kita ang ginpamuklat sa kamatuoran. (bertladera_rmn@yahoo.com/PN)
[/av_textblock]
[/av_one_full]
