MERRY CHRISTMAS AND A HAPPY NEW YEAR SA TANAN! Kag tani ipangamuyo ta man nga indi pagpabay-an sang Diyos ang madamo nga mga Kristiyano nga ginalupig subong sa iban nga pungsod.
***
Ang pinakaborito ko nga sport amo ang basketball, although ang ginapalabi ko amo ang mas masculine version katulad sang pahampang sang PBA, NBA kag FIBA.
Understandable kay lalake man ako. Kag kon maghatag man ako interes sa basketball sang mga babaye, ina kon makapakita man sila sang exciting nga competitveness. Although, partikular sa ila, dapat istrikto ang referee sa pagbantay batok sa mga fouls nga makahatag sing daku nga kahalitan sa ila natural nga kahuyang pisikal.
Gani, wala ko naluyagi ang pang-bully sang mga kasumpong ni Caitlin Clark sang Indiana Fever paagi sa hungod (deliberate) nga hard foul, nga ginatulok lang sang referee bisan pa ginareklamo na sang madamo niya nga fans. Nga kon suspetso gahalin sa ka-teammate (Cunningham) sa pagpangapin kay Clark ginapatungan gid sang suspension.
In fact, indi ko gid naluyagan ang ginsiling pa ni WNBA Commissioner Cathy Engelbert sa tion sang pagpili kay Clark nga first overall pick sang WNBA nga dayon ginpili man bilang katapo sang Indiana Fever sa tion sang 2024 WNBA draft sadtong Abril15, 2024 sa New York City.
“Ang tanan nga mga players ga-experyensya sina,” siling niya parti sa kasakitan nga ginaagom sang mga humalampang, kag “…nahangpan ni Caitlin nga physical game ang basketball.” Bisan pa hungod nga piangon siya?
Masakit pa kay pila sang WNBA veteran players daw nalipay pa sa kasakitan nga naagom ni Clark kag wala gani makahampang sing madamo nga beses tungod sa injury. Agud seguro mapunggan ang iya daku nga amot sa pagpadaug sa Indiana Fever sangsa mag-simpatiya sila sa indi maayo nga nadangtan sang kapareho nila nga player.
Tungod sini, gina-kondenar naton ining padayon nga pang-bully kay Clark nga suportado pa sang WNBA management kag mahisaon nga veteran players, nga ginasabat sang iya fans, kag naton man, paagi sa indi pagtan-aw sa hampang nga wala si Clark sa court.
Tungod man sini may naga-imbitar na gani kay Clark nga isa ka international basketball group nga daku pa sa NBA kag WNBA nga makasarang magbayad sa iya sing mas daku nga sweldo kag mga pribelihiyo.
Indi na makatawo ining pang-bully kay Clark a, nga dapat entrahan na, kon ako lang, sang UN Universal Human Rights Council!
***
Tungod sang kasampaton ni Clark sa paghampang ginakilala na gani ini sa tawag nga “Caitlin Clark Effect”. Napamatud-an ko man gani ini sa halos adlaw-adlaw ko nga pagtan-aw sa TV sang mga hampang ni Clark sa NCAA bilang katapo ang Iowa Hawkeyes kag sa pagsulod na niya bilang rookie sa professional WNBA sa idalom sang Indiana Fever sadtong 2024.
Nakita ko sa hampang sang sining 22 anyos (2024) nga point guard (No. 22) ang iya pinasahe nga abilidad, nga kon tawgon sang mga expert analyst “generational talent”, nga ga-separar sa iya bisan pa sa mga so-called “great players” sang WNBA sang nagliligad kag subong man nga henerasyon.
Man, bag-o lang ako nakakita sang abilidad kasubong sang iya ni Clark nga bisan ang mga NBA players nasapawan niya luwas lang seguro kay NBA star player Stephen Curry sang Golden State sa iya man long range shooting, unique style kag speed of play.
Nakita ko sa paghampang ni Clark ang tumalagsahon nga far long shooting nga way above sa 3-point range nga daw gahimo lang siya sang free shot halin sa penalty line. Subong man ang iya quick shots from anywhere nga ulihi na agud matapna sang gabantay sa iya. Ang iya man quick yet precise “blind pass” sa mga teammate nga indi ma-anticipate sang gabantay sa iya. Ang iya pa gid unstoppable drive to the basket. Kag ang mga steals kag blocks nga mahimo niya, samtang 6.0’ lang siya, batok sa bisan 6’5” pa nga bantay.
Pinasahe man ang iya humility sa pagtudlo sa kadalag-an sang ila team bisan ang pamangkot sa iya sa interbyu parti sa daku niya nga amot sa ila pagdaug. Ang ginasabat lang niya: “We won!” kag indi “I” ukon “Me” agud ipabugal ang iya kaugalingon.
***
Key NCAA Scoring Records ni Caitlin Clark:
Total Points: 3,951 (NCAA District 1 Men’s & Women’s All-Time) para sa Iowa Hawkeyes, nga nagbalewala sang record ni Kelsey Plum sadtong Pebrero 2024. Sa isa ka game gani, naka-score si Clark sang 60 points, nga daw wala gid nahimo sang bisan sin-o nga NBA player.
Other Records: First Division 1 player nga may consecutive 30-point triple-doubles, most assists in a game, kag fastest Big Ten player to 1,000 points.
Professional (WNBA) Records:
Rookie Single-Season Points: Nag-set sang bag-o nga WNBA rookie record nga 761 points sa iya debut season. Average Points per Game (APG): 20 points.
Rookie Single-Season Assists: Nag-set man sang single-season WNBA rookie record for assists (329). Sa isa ka game gani nakahimo siya sang 19 assists.
Undoubtedly, monumental ang playing record ni Caitlin Clark, redefining kon ano pa ang posible sa college basketball nga naghatag sang huge impact bisan sa WNBA samtang rookie pa lang siya./PN
