[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Defensor, wala ginahawiran si Alba’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Syudad sang ILOILO – Gina-respeto kag ginatugyan na lang ni Gob. Arthur Defensor Sr. sa pamunoan sang Police Regional Office (PRO) 6 ang kapalaran sang mga pulis lakip na sang provincial director sa Iloilo. Ang reaksyon sang gobernador kasunod sang ginabati-bati nga pag-relieve kay Senior Supt. Roderick Augustus Alba, direktor sang Iloilo Police Provincial Office (IPPO). “Wala ko ya nagahawid sa iya ah. Ngaa hawiran ko sia? Pahalinon sia haw? Iya na ya discretion sang Philippine National Police. Ang akon lang ya discretion ang pagsulod kag indi ang pag-gwa but they can pull out their men anytime,” hambal ni Defensor sa interbyu kahapon sang mga katapo sang media. Ginklaro man ni Defensor nga wala sila maka-istorya ni PRO-6 director Chief Supt. Jose Gentiles bahin sa posible mabulos kay Alba kon madayon gid man ang pag-relieve diri. “We have not talked about that,” pagklaro ni Defensor. Liwat man nga ginpanginwala sang gobernador nga kadungan sang pagpadulong ni Alba sa iya opisina, wala ini naglisensya nga mabiya sa IPPO. “Wala. He just mentioned to me nga he wanted exit. Unahan. Amo man lang na ang gin-usar ya,” dugang pa ni Defensor. Sa pakig-angut naman sang mga katapo sang media kay Alba angut sa ginhambal sang gobernador nga luyag sini nga magbiya sa IPPO, wala na diri nagkomento ang nauna. Matandaan nga nag-umpisa ang balita nga i-relieve si Alba sa IPPO subong lang nga semana kag ginabati-bati nga masaylo sia sa Negros Island Region. Ang ginabati-bati nga matal-os sa iya amo si Superintendent Harold Tuzon, acting chief sang Regional Operations kag Planning Division sang PRO-6. Pero ini nga report ang wala pa sang kumpirmasyon gikan sa mga natungdan ukon sa pamunoan sang PRO-6. Wala man gani ginklaro sang PRO-6 kon matuod ang pag-relieve kay Alba kag kon ano ang rason sa pag-relieve diri nga nagpamuno pa lang sa kapulisan sa probinsya sang halos siam ka bulan./H
[/av_textblock]
[/av_one_full]
[av_hr class=’default’ height=’50’ shadow=’no-shadow’ position=’center’ custom_border=’av-border-thin’ custom_width=’50px’ custom_border_color=” custom_margin_top=’30px’ custom_margin_bottom=’30px’ icon_select=’yes’ custom_icon_color=” icon=’ue808′]
[av_social_share title=’Share this entry’ style=” buttons=” share_facebook=” share_twitter=” share_pinterest=” share_gplus=” share_reddit=” share_linkedin=” share_tumblr=” share_vk=” share_mail=”][/av_social_share]
