[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Manog-baligya nga ginsunog, patay na ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Cyrus M. Garde
[/av_heading]
[av_textblock size=” font_color=” color=”]
Syudad sang BACOLOD – Napatay na ang manoglibod “chicken joy” sa iya traysikad sa ospital sa sining syudad sang Miyerkoles sang gab-i.
Ang biktima nga si Clarencio Mahinay Bernabe, 21, sang Brgy. Inapoy, Syudad sang Kabankalan, Negros Occidental, wala gid makaluwas samtang ginabulong sa Corazon Locsin Montelibano Memorial Regional Hospital (CLMMRH).
Madumdoman nga nagaluto sang inugbaligya nga “chicken joy” si Bernabe sa kalye sang Tan Lorenzo sa atubang merkado sang Syudad sang Kabankalan sang ginsabyahan sia sang gasolina ni Ryan Zamora Dolar, 20, nga taga-Brgy. Camugao sang amo man nga syudad sang Miyerkoles sang hapon.
Gilayon nga nag-ibwal ang kalayo kag nagsunog ang likod sang biktima. Una sia nga gindala sa Lorenzo Zayco District Hospital sa amo nga syudad apang ginliton sa CLMMRH bangod kritikal na ini kag didto ginbawi-an sang kabuhi.
Sunu kay Supt. Rhea Santos, hepe sang Kabankalan City PNP, pasaka-an nila sang kaso nga murder ang suspek nga padayon man ginabulong kag gwardiyado sa Lorenzo Zayco District Hospital.
Sa interbyu naman sa suspek, siling sini nga ginsunog niya ang biktima bangod sa ila kompetensya sa negosyo nga pagbaligya sang chicken joy. Dugang pa sini nga trip niya lang nga himuon ang amo nga krimen.
Gina-usisa pa man sang pulis kon yara ini sa impluwensya sang ilegal nga droga./H
[/av_textblock]
[/av_one_full]
