[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Manog-litson gintiro sa merkado ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Syudad sang ILOILO – Patay ang bayaw sang barangay kapitan matapos nga gintiro sa sulod sang Jaro Big Market sa Barangay Desamparados, Jaro alas-8:30 sang gab-i sang Sabado.
Ginbawian sang kabuhi samtang ginabulong sa Iloilo Mission Hospital si Carcar Hablo, 27, nga nakaagom sang lima ka mga pilas sa likod sang iya lawas.
Si Hablo ang bayaw ni kapitan Noime Hablo sang Brgy. Desamparados.
Sa interbyu sang Panay Balita kay Chief Inspector Ruel Firmo, hepe sang Jaro PNP, naga-asikaso ang biktima sang iya baligya nga litson sa sulod sang merkado sang ginpalapitan sang riding-in-tandem nga nagasuksok sang bonnet kag gintiro gamit ang ginpatihan 9mm nga pusil base man sang narekober nga lima ka mga basiyo sang bala sa ginluntaran sang krimen.
“Nagabaligya sia sang litsonan ya bala. Daw naga-manage bala sang negosyo niya,” sabat ni Firmo sa pamangkot sang Panay Balita kon naga-ano ang biktima sang gintiro.
Nagapati man si Firmo nga hungod gid nga ginbantayan sang mga suspek ang biktima bangod nga nakahibalo ang mga ini sang negosyo sang naulihi.
Nag-gwa man sa rekord sang Jaro PNP nga wala nadala sa ila listahan sang mga durogista ang biktima pero ang iya utod isa sa mga subjects sang kapulisan sa pagbaligya sang ilegal nga droga.
“Indi sia di listed sa mga watch listed bala. Through intel report wala man nakuha nga affiliation sa mga drugs. Pero utod na sia sang isa naton bala nga drug watch listed nga si Rusty Hablo,” hambal pa sang hepe.
Apisar sini, wala pa nagapati ang Jaro PNP nga may labot sa ilegal nga droga ang krimen bangod posible may iban pa nga rason ang mga suspek sa pagpatay sa biktima./PB
[/av_textblock]
[/av_one_full]
