[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’BALAY SANG MGA ODICTA GIN-RAID Granada, pusil, shabu nakumpiskar’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Syudad sang ILOILO – Ginsalakay sang nagtingob puersa nga Philippine Drug Enforcement Agency (PDEA) 6 kag Special Action Force (SAF) sang Philippine National Police ang balay sang ginpatay nga mag-asawa nga Meriam kag Melvin Odicta Sr. nga gina-istaran na subong sang ila bata nga si Melvin Odicta Jr. nga amo ang subject sang raid sa Dalan Delgado, Brgy. Malipayon, City Proper pasado alas-sais sang aga kahapon.
Bitbit ang search warrant nga gin-aplay sang PDEA-6 sa Regional Trial Court, Branch 29 sa pagbayolar sang RA 9165 ukon Comprehensive Dangerous Drugs Act of 2002, ginlusob sa pagpanguna nanday PDEA-6 Regional Director Gil Pabilona kag Asst. Regional Director Levi Ortiz kaupod ang SAF ang duha ka panalgan nga balay sang pamilya Odicta.
Lakip sa gin-aresto diri sang mga otoridad amo si Odicta Jr. alyas “Vin-vin,” 36; mga utod niya nga sanday barangay kagawad Daryl Odicta kag Michael Odicta; abogado sang mga Odicta nga si Atty. Marbehn Lumbo nga gin-aresto bangod sang obstruction of justice; Rio Pineda, 42, sang Cabatuan, Iloilo nga washer sang mga taxi; Rocky Odicta, 34, sang Brgy. Malipayon, nga pakaisa ni Odicta Jr.; Alexander Yparosa, 18, sang Brgy. Tanza Esperanza; 16-anyos nga timbang; Paul Flores, 23, sang Brgy. Tanza Esperanza, nga manoglimpyo; kag duha ka gwardiya nga sanday Mark Poblacion, 25 sang Nueva Valencia, Guimaras, kag Emilio Dumalogdog, 33 sang Brgy. Guihaman, Leganes, Iloilo.
Ang duha ka gwardiya hilwayon man dayon kon mapamatud-an nga lisensyado ang ila mga armas.
Nakumpiskar naman sang PDEA-6 sa compound sang pamilya Odicta ang P320,000 nga cash, 19 ka sachets sang ginapatihan shabu, duha ka .45 caliber pistol, .22 caliber, shotgun sang sikyu, .38 revolver, M67 grenade, ATMs, passbook, kag tseke.
Sunu kay Pabilona, nakabaton sila sang impormasyon nga ginapadayun ni Odicta Jr. ang ilegal nga aktibidad sang ila nagtaliwan na nga mga ginikanan nga ginpatay sa Caticlan, Malay, Aklan sadtong Agusto 28, 2016.
Ginakabig man sang PDEA-6 nga No. 1 drug deader sa bilog nga Visayas ang grupo sang mga Odicta.
Siling naman ni Ortiz, madugay na nila nga ginapanilagan ang operasyon ni Odicta Jr.
Angut sa natabo, ginkwestiyon sang pila ka mga abogado ang ginhimu sang PDEA-6 nga pagposas kay Atty. Lumbo bangod nga sunu sa ila, wala man sang basehan ang pagdeklarar sa iya nga naga-obstruct ini sang justice.
Pero ang paathag diri ni Pabilona: “They are saying the statement because they are not present when Atty. Lumbo committed a crime. We were there when he was preventing us in searching the things that we need to look into.”
Dugang pa niya nga nasaksihan niya sang personal ang gin-akto ni Atty. Lumbo kon sa diin sia pa ang nagkontrol sang nagluntad ang mainit nga argumento.
“I personally observed that Atty. Lumbo was already acting beyond his legal capacity to intervene,” siling ni Pabilona.
Samtang ginasulat ining balita, yara pa sa kustodiya sang PDEA-6 ang abogado lakip na ang iban pa nga mga arestado para sa dugang nga imbestigasyon.
Samtang, yari naman ang pahayag sang Integrated Bar of the Philippines (IBP) paagi kay Atty. Abdiel Dan Elijah S. Fajardo, governor sang IBP sa Western Visayas, angut sa pag-aresto kay Atty. Lumbo:
“The leadership of the Integrated Bar of the Philippines (IBP) Western Visayas region expresses alarm over the increasing duress employed by law enforcement agents against the rule of law, as exemplified by the arrest this morning of lawyer Marbehn Lumbo – a member of IBP Iloilo.
It is a lawyer’s sworn duty, as an officer of the Court, to employ all available legal remedies to protect the interests of his client regardless of his personal opinion as to the latter’s guilt or innocence. A lawyer acting within the bounds of the law is an essential cog in the administration of justice, and must be allowed to exercise his profession free from fear of physical harm or restraint upon his person.
An empowering sense of personal security among lawyers is a core component of the rule of law. If at all, Atty. Lumbo must be lauded for insisting, in the face of overwhelming force, that Constitutional safeguards be strictly observed in the service of a search warrant against his client.”/PB
[/av_textblock]
[/av_one_full][av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Durogista gintiro sang Pulis’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=” color=”]
Syudad sang ILOILO – Patay ang isa sa duha ka high-value targets sa pagduso sang ilegal nga droga kag subjects sa warrant of arrest para sa kaso nga two counts of murder sa operasyon sang Criminal Investigation and Detection Group (CIDG) 6 sa Barangay Ticud, La Paz alas-3:34 sang hapon kahapon. Gindeklarar nga dead-on-arrival sa West Visayas Medical Center si Aslani Ansari alyas Boy nga nakaagom sang pilas sa lawas. Na-aresto naman ang upod sini nga si Alex Mapandi alyas Angari/Agie, 31. Sandig sa report halin kay Senior Supt. Marlon Tayaba, hepe sang CIDG-6, upod ang mga katapo sang Special Weapons And Tactics kag Iloilo City Police Office, plano nila nga i-serbe ang warrant of arrest para sa kaso nga two counts of murder kontra sa duha sang nagluntad ang insidente. Ginapasuni nga nagbatu si Ansari paagi sa pagtiro sa isa sa mga katapo sang CIDG-6 rason nga na-puersa ang mga otoridad nga magbalos kabangdanan sang iya kamatayon. Narekober naman sa paghinakop sang duha ang duha ka mga pusil kag pila ka plastic sachets sang ginapatihan shabu. Sa interbyu naman sang mga katapo sang media kay Senior Insp. Rey Sumagaysay, hepe sang La Paz PNP, sanday Ansari kag Mapandi ang ginatudlo mga suspek sa pagpatay paagi sa pagsunog sa isa ka Muslim nga nasapwan nga naputos sa plastic sa circumferential road sa Brgy. Balabago, Jaro sang tinalikdan nga bulan./H
[/av_textblock]
[/av_one_full]
