[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’NEGOSYANTE GINTIRO-PATAY SA CAPIZ’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”][/av_heading]
[av_textblock size=” font_color=” color=”]
Syudad samg ILOILO – Patay ang tag-iya sang hardware kag grocery store sa Barangay Poblacion, President Roxas, Capiz samtang pilason naman ang iya asawa matapos sila nga gintiro mga alas-sais sang gab-i sang Domingo.
Nakaagom sang pilas sa agtang si Arnel Bucayan, 54, samtang sa wala nga butkon naman ang pilas ni Analou Bucayan, 53.
Gindala pa ang mag-asawa sa St. Anthony College Hospital pero gindeklarar sang nag-atendir nga doktor nga dead-on-arrival si Arnel.
Sunu sa report, nagalakat na papuli ang mag-asawa nga Bucayan upod ang ila kabulig nga si Jonel Ginog kag security guard nga si Noel Tumlos Jr. halin sa baligyaan sa merkado publiko sang ginpalapitan sila sang motorsiklo kag gintiro sang mga sakay sini.
Gin-agaw naman sang isa sa mga suspek ang bag ni Analou nga naga-unod sang kwarta samtang ang isa naman nagtiro kay Tumlos nga nagadalagan para manago.
Sang nauntat ang tirohay, nag-gwa si Tumlos kag gintiro ang mga suspek kon sa diin nakilala ang naigu sa ulo kag lawas kag napatay nga si Roger Estrella.
Napilasan man sa tirohay sa magtimbang nga mga kamot si Ginog samtang nasalabat naman ang 15-anyos nga dalagita. Gindala sila sa Bailan District Hospital.
Sandig naman sa mga nakasaksi, gilayon nga nalagyo ang upod ni Estrella kag nagsakay sa isa pa ka motorsiklo.
Pero sang ulihi nadakpan man sa balay sang ila pariente nga si Elsa Dacula Sarabia sa Brgy. Hanglid ining duha ka suspek nga nakilala nga amo ang mag-amay nga Jose Dacula, 56, kag Erwin, 26, lunsay taga-Brgy. Lantawan, Sara, Iloilo.
Samtang, 13 naman ka mga empty shells kag deformed slug sang .45-caliber gun, tatlo ka wala nagamit nga mga bala kag duha ka empty shells sang .9mm-caliber gun ang narekober sa duog sang insidente. (Balita halin sa Panay News)/PB
[/av_textblock]
[/av_one_full]
