[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading tag=’h3′ padding=’10’ heading=’Nadula nga mangingisda nasapwan buhi’ color=” style=’blockquote modern-quote’ custom_font=” size=” subheading_active=’subheading_below’ subheading_size=’15’ custom_class=”]
Ni Ime Sornito
[/av_heading]
[av_textblock size=” font_color=” color=”]
Syudad sang ILOILO – Nasapwan nga buhi ang isa ka mangingisda nga nadula sa kalalawran sang San Joaquin, Iloilo sang nagligad nga Sabado.
Alas-cinco sang hapon sang Domingo, nasapwan sa higad sang baybay sakop sang Barangay Lapas, Hamtic, Antique si Maximino Sernicula, 34, sang Brgy. Sta. Rita, San Joaquin, nga naanod sang tubig sang nagkaproblema ang makina sang iya sakayan.
“Sernicula was found alive and was successfully rescued by a fisherman man,” siling ni Philippine Coast Guard (PCG) – Iloilo Lieutenant Commander Ramil Palabrica.
Nahibaluan nga nagpalawod si Sernicula para magpangisda pero pag-abot sini sa tunga-tunga, gulpiyada lamang na-aberya ang makina rason sang iya pagka-anod.
Angut sini, nagpanugyan ang PCG sa mga mangingisda nga sekyaron gid ang ila sakayan antes magbiyahe palawod para malikawan ang ano man nga disgrasya.
“Amo na nga antis maglakat, i-check gid anay ang engine. Tapos kung pwede makabakal sang cell phone (ang fishermen) para maka-text sila sa pamilya nila kung may problema,” panugyan pa ni Palabrica.
Kag dapat magkadto lamang ang mga mangingisda sa porsyon sang baybayon nga may mga signal.
Nagpanugyan man si Palabrica sa mga mangingisda nga likawan ang pagpalawod kon maglain ang panahon.
“Although we don’t have gale warning here, ang panugyan sang Coast Guard nga kon dalagku ang balud, paiway lang anay sa pagpangisda especially sa motorbanca nga one or two-man capacity lang,” pagtakop ni Palabrica./PB
[/av_textblock]
[/av_one_full]
