Ni Cyrus M. Garde
Syudad sang BACOLOD – Patay ang isa ka tuig kag pito ka bulan nga bata nga lalaki sang nahulog sa buho nga gamiton para sa poso-negro sa Brgy. Canroma, Pontevedra, Negros Occidental sang Martes.
Sunu sa report nga nabaton sang HUBLAS, ang iloy nga si Jennelyn De Los Santos wala gid ka talupangod sa iya bata bangod masako ini sa pagpanglaba.
Sang nagbalikid na sia sang ulihi, wala na ang iya bata nga si Carl rason nga iya ginpangita.
Amo na lang ang iya singgitan sang makita ang iya bata nga nagalutaw na sa tubig sa buho nga gamiton kontani nga poso-negro sang ila kaingod.
Nahibaluan pa nga ala man sadto nga tion ang iya bana bangod naglibod ini sang mga pagkaon nga ila pangabuhian./H
