[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading tag=’h3′ padding=’10’ heading=’Maswerte man ang mga opisyal sang kapulisan’ color=” style=’blockquote modern-quote’ custom_font=” size=” subheading_active=’subheading_below’ subheading_size=’15’ custom_class=”]
BY JOEL FRANCO
[/av_heading]
[av_textblock size=” font_color=” color=”]
BULAHAN ang mga opisyal sang kapulisan kay may bugay sila gikan kay President Rodrigo Duterte.
Kun patihan ang pahayag ni Philippine National Police chief Director General Ronald āBatoā Dela Rosa, magabaton sang P50,000 ā P400,000 ang mga opisyal sang kapulisan gikan kay President Duterte.
Ang source sang pondo, indi pa matul-id. Diin bala magakuha sang kaangay sini kadako nga pondo ang gobyerno para lang sa bonus sang kapulisan? Kag ngaa mga opisyal lang? Paano naman ang mga nagaranggo sang Police Officer 1 tubtob sa Chief Inspectors? Ngaa may pinilian haw?
Ano gid bala ang nahimo nga exemplary sini nga mga opisyal sa pungsod agud hatagan sila sang tuman kadako nga bonus nga wala man napagkit sa kasuguan?
Kun matuod nga nahatag, daw makasiling kita nga bribery ini. Simple lang nga diskarte pero maathag nga ginakuha ang simpatiya sang mga opisyal agud magtango sa ano man nga gusto matabo sang Commander-in-Chief. Kunsabagay bisan indi na maghatag sang pahamham ang President isa lang ka kumpas, matuman man ina ang mga opisyal sang kapulisan.
Maathag nga ang paghatag sang bonus ara lang sa tunga nanday Duterte kag mga opisyal sang kapulisan bangud bisan ang spokesman wala nakahibalo sang detalye. Hambal gani ni Presidential Spokesman Ernesto Abella wala sila nakahibalo kun ano ang kuhaan nga budget agud mapanagtag ang bonus.
Pero daw kaangay lang sang pamisok, naghambal si Dela Rosa nga sa baylo nga cash, isa kasako nga bugas na lang basi ang ila mabaton bangud indi na madayun ang pagpanagtag sang cash bonus sa ila.
Oy, ngaa amo ini? Anay nabuyagyag ginbawi? Daw maathag nga pasaburno lang haw?
Sa pahayag sang isa ka source, napanagtag na gid gale ang cash bonus halin kay Duterte.
Pahayag sang insider, nadaho na sang mga opisyal sang kapulisan ang bonus nga in cash kag nabutang sa sobre. Mismo si Dela Rosa ang nagpanagtag.
Hay madamo gid sang mga ginatago-tago ining administrasyon. Ngaa bala indi nila pag-ipahibalo sa publiko kun napanagtag na kun nagapati sila nga legal ini nga bonus? Ngaa pulis lang? Paano naman ang military?
Kunsabagay ang pangako nga saka sa sweldo sang pulis, military kag manunudlo wala man tupa.
Ang karon nga saka sa sweldo, panahon pa ini sang Aquino administration. In tranches lang ang pagpatuman sini gani indi maangkon sang karon nga administrasyon ang credit, gani nagahimo sila sang ila kaugalingon nga diskarte.
Ini nga bonus maathag nga ginhatag agud mapakalma ang kapulisan sa wala katumanan nga pangako ni Duterte nga saka sa sweldo. Bisan nga wala sang maathag nga palatandaan sang coup dāetat proactive lang ang peg sang gobyerno. Diri sampaton si Duterte.
Mapalad man ang mga opisyal nga magbaton sang dako nga cash samtang nagapatubo sang buy-on apang makalulooy ang ordinary nga pulis nga nagataya sang kabuhi sa mga operations apang sila pa ang manubo sang sweldo.
Palihog paathag sa mga Filipino ngaa amo gid ni kadako ang bonus sang mga opisyal sang pulis.
Tumalagsahon gid man bala sila or may pabor nga ginapangayo ang MalacaƱang?
Hay kadamo sang pamangkot nga indi masabat./PN
[/av_textblock]
[/av_one_full]
