[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Area manager sang NONECO gintiro’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Cyrus M. Garde
[/av_heading]
[av_textblock size=” font_color=’custom’ color=’#0a0a0a’]
Thursday, January 5, 2017
[/av_textblock]
[av_textblock size=” font_color=’custom’ color=’#0a0a0a’]
Syudad sang BACOLOD – Yara na sa maayo nga kahimtangan ang gintiro nga area manager sang Northern Negros Electric Cooperative (NONECO) sa Syudad sang Sagay, Negros Occidental.
Ginkilala ni Senior Inspector Larry Teovisio, hepe sang Police Station 3, ang biktima nga si Engr. Simon Peter Abalayan, 40, kag taga-Country Homes, Phase 1, Brgy. Estefania, Syudad sang Bacolod.
Pito ka mga pilas sa lawas ang naagom sini apang indi man patal. Ginbuligan naman sia sang isa ka drayber sang traysikol nga madala sa Our Lady of Mercy Specialty Hospital sa Brgy. Mandalagan.
Sunu sa report sang kapulisan, gintiro si Abalayan matapos sia nagpanaog sa Ceres bus sa Bangga Pepsi, Brgy. Bata, Syudad sang Bacolod mga alas-6:15 sa gab-i sang Martes. Naga-motorsiklo ang suspek kag naga-helmet kag jacket nga itom.
Samtang, base sa ulihi nga pahayag ni Atty. Pondevilla, general manager sang NONECO sa Manapla, naghapit pa sa main office si Abalayan kag may ginkuha nga papeles antes nagpauli sa Bacolod.
Sunu kay Pondevilla, magahimu man sila sang imbestigasyon sa insidente. Apang nagpahayag sia nga may kaangut ang insidente sa polisiya nga ginapatuman sang kompanya sakop sang NONECO.
Sunu sa iya inisyal nga pahayag, mahimu may kahilabtanan ang natabo sa trabaho sang biktima kag may tawo nga nagtomar sang kainit sa iya bangod sa polisiya sang kompanya.
Samtang ginasulat ini nga balita, ginatutokan pa sang mga pulis ang natabo. Nahibaluan nga wala sang CCTV sa lugar sang insidente./PB
[/av_textblock]
[/av_one_full]
