[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’‘Pautang sang kalipay’’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Joel Franco
[/av_heading]
[av_textblock size=” font_color=’custom’ color=’#0a0a0a’]
Tuesday, February 7, 2017
[/av_textblock]
[av_textblock size=” font_color=’custom’ color=’#0a0a0a’]
Syudad sang ILOILO – Nagahinunod na ang adlaw. Natapos na ang isa ka semana nga baka-baka sa pag-obra sa construction. Naga-inat sang maskulo ang apat ka kalalakihan agud makabatyag sang pagrelaks sang kapoy nga kaunoran.
Isa ka semana nga pagpangabudlay agud maka-kwarta. Ang lawas kapoy ka tama apang may bahin nga daw gusto pa mag-extend sang pagpangabudlay.
Bangod sini, naghagaray ang mga construction workers. Ang ila lider si alyas Ritchie, 21, kag tumandok sang Syudad sang Dumaguete, Negros Oriental. Sanglit bataon, nagahimugasa ang puersa, nagahuro-huro kon makakita sang dalaga. Ang ila destinasyon, isa ka resto bar sa distrito sang Arevalo.
Sa panaysayon ni Ritchie, apat sila kag nag-order sang apat ka condom kag nagkuha sang apat man ka mga babae nga ila gindala sa isa ka hulot. Nag-order man sila sang ilimnon agud priming antes ang sambuwa sa kama.
“Nagkuha kami apat ka babae. Tag-isa kami. Galing tapos namon gamit sa ila wala kami inugbayad. Siling ko sa Miyerkoles lang ang bayad kay sweldo namon,” aku ni Richie.
Wala nagpasugot ang babae gani napilitan si Ritchi nga ibayad ang iya cellphone nga nagabalor sang P800 apang kulang sa gihapon. Bangod sini, gintawgan sila sang pulis kag gindala sa Arevalo PNP.
“Ako na lang nagpapriso kay may pamilya ang tatlo, ako ya soltero pa,” paathag ni Ritchie kon ngaa sia lang ang napriso.
Tuhay naman ini sa pahayag ni Insp. Armando Dullesco, hepe sang Arevalo PNP, nga tatlo ka mga babae ang ginpang-gamit ni alyas Ritchie kag iya ginpasunod kag ginpasalig nga tingbon lang ang bayad.
Sa karon, nakagwa na si Ritchie matapos naghusayay nga magbayad sila sang P5,000 sa mga babae kag ilimnon nga ila nakuha./PB
[/av_textblock]
[/av_one_full]
