[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Trak nagbaliskad sa San Joaquin’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=’custom’ color=’#0a0a0a’]
Saturday, February 11, 2017
[/av_textblock]
[av_textblock size=” font_color=’custom’ color=’#0a0a0a’]
Syudad sang ILOILO – Huol sa mga motorista ang gintuga sang pagbaliskad sang 10-wheeler truck nga kargado sang semento sa Barangay Tiolas, San Joaquin, Iloilo ala-una sang kaagahon kahapon.
Sa interbyu sang Panay Balita kay Senior Inspector Wilmar Bolivar, officer-in-charge sang San Joaquin Municipal Police Station, halin sa syudad ang trak kag mapadulong na kontani sa Patnongon, Antique apang pag-abot sa likuon kag taklaron nga bahin sang dalan sa Brgy. Tiolas, nadulaan sang kontrol ang drayber sa pagmaneho rason nga nagbaliskad gid.
Nagapati man si Bolivar nga napiyongan ang drayber nga si Joenard Canajiro, 29, rason nga wala sini makontrol ang manibela kag dugangan pa sang kadulom sang dalan.
“May nagtawag sa amon nga may trak nga nagbaliskad sa Tiolas. Nag-respond ang team didto kag diri na-discover nga ang trak kargado sang semento. So, initial information na-loss of control ang driver because ang area medyo pataklad kag liko-liko. So, tungod siguro nga damo sia sang karga kag kapin pa ala-una sang kaagahon, basi kon napiyongan ang drayber,” eksplikar ni Bolivar.
Maswerte man nga wala nasamaran ang drayber subongman ang pahinante sini.
“Duha lang sila nga sakay pero ini sila wala man sang samad ukon physical injury,” dugang pa sang hepe.
Pero halos isa naman ka oras nga wala naagyan sang mga salakyan ang tunga nga bahin sang dalan bangod nga nadugayan ang pagkuha sa trak./PB
[/av_textblock]
[/av_one_full]
