[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Lalaki nasapwan patay sa taytay’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=’custom’ color=’#0a0a0a’]
Thursday, February 16, 2017
[/av_textblock]
[av_textblock size=” font_color=’custom’ color=’#0a0a0a’]
Syudad sang ILOILO – Wala na sang kabuhi sang nasapwan ang isa ka lalaki nga ginapatihan gintiro sa ulo sa Drilon Bridge sakop sang Barangay Rizal, distrito sang La Paz alas-10:45 sang gab-i sang Martes.
Dead-on-arrival sa Iloilo St. Paul’s Hospital ang biktima nga ginkilala kay Roweno Argamaso y Doting, 55, kasado kag residente sang Brgy. Rizal, La Paz.
Sa imbestigasyon sang La Paz PNP, nasapwan lang sang iya mga himata si Argamaso nga nagakulob sa gutter sang taytay kag may pilas sa likod nga parte sang ulo.
Ginapatihan nga gintiro ini bangod may nakit-an nga bala diri sang ginpa-idalom ini sa x-ray examination.
Antes ang insidente, gina-alegar nga naglisensya ang biktima sa iya mga bata nga makadto sa taytay para magpamunit apang gulpi lang naglabay ang duag puti nga pickup kag gintiro ang biktima.
Ginapasuni naman sang pila ka mga testigo nga ginbilin lamang ang bangkay sang biktima sa higad sang taytay sang puti nga pickup pero ini ang gina-imbestigaran pa sang kapulisan.
Nadiskubrehan pa sang Panay Balita nga si Argamaso nakaagi priso sang siam ka tuig sa Muntinlupa City sa kaso angut sa ilegal nga droga kag sang 2016 lamang nakagwa.
Wala pa sa karon sang nabal-an nga motibo ang La Paz PNP sa pagpatay kay Argamaso pero wala nila ginadula ang anggulo nga personal ukon daan nga hiligut-anon./PB
[/av_textblock]
[/av_one_full]
