[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Ang problema sang pangontra kay Treñas’ tag=’h3′ style=’blockquote modern-quote’ size=’30’ subheading_active=’subheading_below’ subheading_size=’18’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
NI WENCESLAO “MATT” E. MATEO JR.
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
Wednesday, March 7, 2018
[/av_textblock]
[av_textblock size=’18’ font_color=” color=” av-medium-font-size=” av-small-font-size=” av-mini-font-size=” admin_preview_bg=”]
SANG sining ulihi lang, sa isa ka miting sang mga barangay kapitan sa siyudad sang Iloilo, sa diin mga 170 gid sa 180 ang nagtambong, ang ining mga kapitan nagboto agud iduso si Cong. Jerry Treñas sa ila luyag nga magadalagan liwat siya sa pagka-meyor sa 2019.
Todo balibad si congressman, apang gin pilit gid sining mga kapitan ang ila luyag sa kay congressman.
Tungod sini, paano ka abe ka-balibad kay halos 95 porsyento sang mga lideres mo sa pulitika ang nagasuporta kag magasaporta sa imo sa sunod nga eleksyon? Kag ina bisan pa sadto nagpahayag ka nga mapahuway na sa pulitika.
Manugtapos si congressman sang iya ika-tatlo ka termino sa 2019, gani indi na siya matugutan nga magdalagan sa pag-ka-congressman sa masunod nga eleksyon. Kag kon magdalagan siya liwat, ina sa iban na nga pwesto.
Apang, ngaa sa pagka-meyor gid? Kag indi sa ibabaw (senador, por ejemplo) kag indi man sa ubos?
Ang magdalagan siya sa pagka-senador sa masunod nga mid-term election sa 2019 laban-laban malayo ina sa iya pensar.
Kinahanglan ang malawak nga kampanya kag madamo nga kwarta kon magdalagan siya sa pagka-senador, nga indi niya masarangan tumbasan sang nagakaigu nga panahon kag galastuhon.
Puede siya magdalagan sa pagka-kapitan. Ang problema ugaling dira basi mapierde pa siya, sunu mismo sa iya pagpati. Lain man ang panan-aw sa imo sang tawo sa barangay kag lain man sa kabug-usan sang siyudad.
Puede man mag-konsehal si Treñas sa siyudad. Sunu sa iya ugaling, ara man si Konsehal Efraim Treñas nga bataon pa kag basi dag-on pa siya sini sa boto sang mga kabataan.
Malayo man sa iya isip ang magdalagan sa pagka-bise mayor. Kon may padaug nga seguro, sunu sa iya, amo lang ang pagka-meyor.
Sa tanan nga pagdaug ni Treñas sa pagka-meyor kag sa pagka-congressman, masiling naton nga landslide ang iya pagdaug. Samtang, yara pa man ang iya kahumot sa pumuluyo bilang congressman.
Gani, indi man katingalahan nga ang iya mga kaalyado kag mga sumulunod magpamensar nga suportahan siya gihapon sa pagka-meyor.
Naluyagan nila ang iya pag-serbisyo sa siyudad bilang nagligad nga mayor sa tatlo ka termino kag sang iya padayon pa nga pag-serbisyo bilang congressman.
Maathag man sa ila nga mabaskug gihapon si congressman sa pulitika kag, tungod sina, indi mapulak ang ila luyag nga sa gihapon yara siya sa pag-serbisyo sa banwa. In fact, gina paseguro man ini sang ila gihapon daku nga pagsuporta sa iya.
***
Nga mabaskug gihapon si Treñas sa pulitika gin pamatud-an man gani sang iya mga kasumpong sa mabaskug nila nga pagpakamalaut sa iya. Labi na gid kay nagsiling siya sadto nga magagwa na siya sa pulitika.
Wala sing magahaboy sang bato sa mayo mamunga nga paho, indi bala? In fact, wala gid sing magsapak sa imo sa kon ano man nga plano mo sa pulitika kon kilala nga mahuyang ka nga kandidato.
Of course, wala kaseguruhan ang pulitika. Sin-o abe magpati nga magdaug si Duterte nga ultimo lang nga mayor sa lugar nga indi gid man kilala kaayo, kag nagdaug pa sa madamo nga abanse sa iya mga kasumpong? Kag sin-o man ang magpati nga magdaug ang bag-uhan sa pulitika nga si Leni Robredo sa pagka-bise presidente? Of course, nagboto kita kay Robredo kay makasangkol man siya nga kasimanwa sang akon nagtaliwan nga iloy nga Bicolana.
But, as always, lain gid ya nga may maathag ka na nga abanse sa kontra bisan sa pagpanugod pa lang. Sa pagsuporta sang halos tanan nga mga kapitan, may maathag na nga panugod si congressman sa pag-kampanya pa lang.
Samtang, nagalingin na ang iya mga kasumpong sa sining ulihi nga deklarasyon ni Treñas agud magdalagan sa pagka-meyor sa 2019.
Indi ugaling problema ini kay subong Mayor Joe III. Ang una nga plano sa iya sang grupo amo ang magdalagan sa pagka-congressman. Happy na sina si Joe III kon amo gid man ina.
Samtang man, daku man nga problema ini sang pangontra ang pagdalagan ni Joe III sa pagka-congressman sa lugar sang pagka-meyor kay yara na si Treñas. Mas mabakud ang grupo nga yara si Treñas. (w_mateojr@yahoo.com/PN)
[/av_textblock]
[/av_one_full]
