Ang abilidad kag talento sang mga Pinoy nakilala na indi lamang diri sa aton kundi pati na sa gwa sang Pilipinas. Dugangan pa nga ang aton lokal nga mga designers nangin mas ma-abilidad pa gid tungod nga mas napasanyog nila ang tradisyonal nga mga bayo sang mga Filipino paagi sa pagdugang sang moderno nga desinyo diri. Kag ang isa sa nagapanguna nga halimbawa sini amo ang Get Spotted, ang lokal nga baligyaan sang mga bayo nga ginapanag-iyahan ni Emgee Po, sa Bacolod City.
Pag-upod sang modernidad kag tradisyon
Ang Get Spotted nag-umpisa bilang isa ka hobby nga nangin thesis project sa University of St. La Salle Bacolod sang 2011, asta nga nangin isa na ini ka full-fledged clothing brand.
“Nag-umpisa ako baligya sang mga bayo nga nakita ko sa Manila, sa Divisoria,” pahayag ni Emgee. “Amat-amat nga nagdaku ang amon negosyo, kag nakalab-ot sa Thailand, Korea kag China.”
Pero pareho sang natabu sa iban nga mga negosyo, ang pagsanyog sang amon brand gulpi nga na-untat bangod sang pandemic. Pero sa baylo nga madulaan sang paglaum, ginhimu ini ni Emgee nga oportunidad agud mag-evolve kag mapasangkad. Rason nga nangin EMGEE by Get Spotted ini.
Natukod bangod sang kaisog kag tinutuyo, ang EMGEE by Get Spotted isa ka maisog nga panindugan kontra sa fast fashion ukon madasig nga moda.
Sa paghimu sang mga bayo nga may maayo nga tinutuyo, simple lang ang pilosopiya sang brand: magtuga sang fashion nga magapadayun, magadugay, kag makalampas sa uso.
Ang kada bayo maid-id nga ginahimu sing diutay nga mga batch, kag bilang suporta sa lokal nga mga mananahi sa Negros kag Rizal. “Ang amon mga tela tanan handwoven sang Negros Nine Weaves halin sa CHICKS area sa Negros Occidental, para ma-preserbar ang palanublion samtang ginasustenir naman ang palangabuhian,” siling ni Emgee.
Ang produkto sining kawsa? Mga matahum nga Filipiniana tops, barongs, kag boleros nga may presko kag modern twist nga may maid-id nga embroidered prints nga ang nangin inspirasyon amo ang tumandok nga kasapatan sa Pilipinas, lokal nga tourist spots, kag mga salakyan. Kag ang pinaka-importante sa tanan – nangin bug-os ini nga local brand.
Ang Get Spotted naka-establisar na sang madamo nga mga kolaborasyon sa mga artists kag celebrities, lakip na sanday Bela Padilla, Rhian Ramos, kag Laureen Uy. Ang brand may ara na subong sang stores sa pila ka SM branches, kag may pop-up store na sa Paris.
Bukas sa pagbag-o samtang gahimu sang palanublion
Sang nagsugod si Emgee sa pagpasangkad sang iya brand, nag-intra sia sa mga bazaars kag events samtang padayun man ang operasyon sang iya mayor nga shop sa Ayala Malls Capitol Central.
Sang tion nga ini, ang GCash nangin parte na sang iya nga journey nga naga-offer sang cashless transactions sa iya mga kustomer. Pero sa pagdaku sang iya negosyo, nangin dugang nga panghangkat ang matag-adlaw: madamo nga mga kustomer ang dulongan nga nagabayad, manual ang pag-check sa ila mga phones para makumpirmar ang mga bayad, ang makasa-lala nga pag-mix sang personal kag business transactions, kag pati ang risgo nga ma-scam.
Gani importante para kay Emgee kag sa iya team nga makapangita sang solusyon para ma-manage ang ila adlaw-adlaw nga operasyon. Isa ka pamaagi nga na-improbar sang Get Spotted amo ang pagpa-simple sa proseso sang pagbayad para sa team kag mga kustomer gamit ang GCash Soundpay devices sa tanan nila nga stores.
Ang GCash Soundpay isa ka easy-to-carry device nga naga-provide sang instant, automated audio payment confirmation. I-scan lamang sang mga kustomer ang QR code para magbayad, kag ang instant voice notification maga-kumpirmar kon nangin madinalag-on ang transaksyon. Bangod sini, indi na kinahanglan ni Emgee kag sang iya staff nga mag-manual check, gani mas maka-pokus sila sa pagserbe sa masunod nga kustomer.
Paagi sa GCash Soundpay, ang pag-shopping mangin matawhay, madasig, kag cashless process na. Paagi sa real-time audio feedback, mahapos na sa store owners kag mga kustomer ang pagkumpirmar sa mga transaksyon.
Ang GCash Soundpay isa lamang ka ehemplo kon paano ang GCash for Business nadihon sang pinasahi. Indi pareho sang iban nga business solutions nga mabudlay ukon magasto para sa madamo nga MSMEs, ang GCash for Business nagdesinyo sang business tools nga ang una ginpanumdom amo ang mga negosyante, para masigurado nga mahapos kag nagakabagay ini sa ila mga kinahanglanon.
Ang GCash Soundpay may upod man nga dedicated business account sa GCash for Business Portal para mas madali na ang financial management and accounting. Labi sa tanan, nagahatag ini sa business owners sang dashboard para ma-manage ang ila sales kag indi na mag-mix sa ila personal finances.
Naga-umpisa pa lang ang Get Spotted. Paagi sa pagtib-ong sang Filipino creativity and craftsmanship, ang brand nagapadayun sa pagdaku samtang ginapadalum ang commitment sini sa mga komunidad nga iya ginaserbehan. Sa paghimu sang de-kalidad kag fashionable nga mga produkto nga mas accessible paagi sa GCash for Business, ang Get Spotted nagahimu sang fashion nga indi lamang maayo sa imo panit kag konsensya kundi konektado man sa komunidad – himu sa Pilipinas, ginasuksok sa bisan diin.
Gani kon ikaw isa ka business owner kag interesado sa GCash SoundPay, mag-sign up na sa GCash for Business Portal. Mahapos lang ini!
- Maghimu sang account sa GCash for Business Portal. Pwede ka mag-umpisa bilang merchant gamit ang imo verified GCash account nga indi magnubo sa 12 ka bulan para ma-qualify para sa Starter Plan.
- Mag-order sang GCash SoundPay device.
- Hulaton ang email confirmation kag ang device nga ma-deliver sa imo!
Ang deliveries magalawig sang kapin isa ka semana para sa Metro Manila nga mga lugar. Ang mga negosyante naman sa gwa sang Metro Manila maghulat lang nga i-deliver ang ila GCash SoundPay devices sa sulod sang duha ka semana. Para sa dugang nga impormasyon kon paano ang GCash makabulig pasanyog sang mga negosyo, magbisita sa GCash for Business.
