[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Balay sa Molo nakuhaan P.5-M shabu’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Joel Franco
[/av_heading]
[av_textblock size=” font_color=’custom’ color=’#0a0a0a’]
Wednesday, March 1, 2017
[/av_textblock]
[av_textblock size=” font_color=’custom’ color=’#0a0a0a’]
Syudad sang ILOILO – Ginabanta nga nagabalor sang P500,000 ang gina-alegar shabu nga nakumpiskar sa puloy-an sang ginatudlo sub-group leader sang Odicta drug group sa Brgy. South San Jose, Molo kahapon sang kaagahon.
Magluwas sa 14 ka bulto sang ginapatihan nga shabu nga nagabug-at 70 gramos, nakakuha man ang mga katapo sang Philippine Drug Enforcement Agency (PDEA) 6 sang P10,000 nga cash kag isa ka bala sang kalibre .22 nga rebolber sa balay sang subject sa operasyon nga si Rolando Torpio alyas Apa nga ginakabig man high-value drug suspect.
Ginpahayag naman ni PDEA-6 assistant regional director Levi Ortiz nga nakabaton sila sang report nga ara si Torpio sa ila tatlo ka panalgan nga balay.
“Nakabaton ang PDEA sang impormasyon nga ara si Torpio sa iya balay gani ginlunsar naton ang raid sa iya balay apang wala na sia naabtan. Posible nakapalagyo,” siling ni Ortiz sa media interviews.
Nagapati man ini nga namonitor ni Torpio ang pag-abot sang PDEA paagi sa closed-circuit television camera sa gwa sang ila balay. Nakakita man sang guba nga kudal ang PDEA operatives gani nagapati sila nga posible nagpanago lang sa kasilingan si Torpio.
“Padayun sia nga nagabaligya sang droga. Nabaklan pa sia sang amon agent,” dugang pa ni Ortiz.
Ang na-aresto lamang sang PDEA-6 amo ang asawa ni Torpio nga si Imee Torpio.
Samtang, hugot naman nga nagapanginwala ang pamilya ni Torpio sa alegasyon sang PDEA-6. Panindugan sang anak kag asawa ni Torpio madugay na nga nag-untat sa pagbaligya sang ilegal nga droga si Torpio. Nagahilibi-on naman ang pamilya bangod sang pagsalakay sang PDEA sa ila puloy-an
Sa nahibaluan nga si Torpio una nga nadakpan sa buy-bust sa Molo apang nakapiyansa gani nakagwa sang temporaryo sa prisohan. Sang Hulyo 2016 nagsungka sia sa Oplan Tokhang kag sang Oktubre 2016 ginpakanselar ni Torpio ang iya pyansa kag nagpapriso bangod sang kahadlok sa gwa kasunod sang pagkapatay sang PDEA-6-identified drug lord nga si Melvin “Boyet” Odicta Sr. kag asawa sini nga si Miriam Odicta kag pagsungka man ni Jesus “Jingjing” Esinosa.
Pero sang nagligad lang nga Enero nakagwa sa prisohan si Torpio matapos nga nagpiyansa./PB
[/av_textblock]
[/av_one_full]
