[av_textblock size=” font_color=” color=” av-desktop-hide=” av-medium-hide=” av-small-hide=” av-mini-hide=” av-medium-font-size=” av-small-font-size=” av-mini-font-size=”]
[/av_textblock]
[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’PAUTWAS! ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
BY JOEL FRANCO
[/av_heading]
[av_textblock size=’18’ font_color=” color=” av-medium-font-size=” av-small-font-size=” av-mini-font-size=” admin_preview_bg=”]
BOLAHAN gid matuod ang Smallville Complex. Sikat sila pirme. Malain man ukon maayo nga balita, gina-promote ang lugar. Sa tagsa ka pagtuhaw sang balita nga may pinatay ukon kinagamo sa lugar mas labi pa nga nagainit ang interes sang iban nga magkadto man sa lugar.
Isa pa nga bolahan ang Smallville Complex bangud libre ang ila security. Ngaa man? Ina bangud pulis ang nagabantay sang ila palibot. Ang security nila ara lang sa mga establishments. Kundi maswerte sila? Nagay sila sang negosyo sang bisyo tapos ang gobyerno ang pabantayon sa ila lugar.
Ngaa bala may nagakatabu nga kinagamo pirme sa Smallville? Masiling kita nga ti anhon ta kay ilimnan kundi normal lang nga hubog nagagamo kun kaisa. Pero ti ngaa may armas? Ngaa indi ini matapna mismo sang management sang Smallville?
Ang bug-os nga complex isa ka pribado nga lugar. Pribado nga negosyo. Pero ngaa pulis ang mabantay sa ila lugar? Indi bala nga una dapat mag-provide sang ila security ang management indi lang sa establishments kundi mismo sa bug-os nga complex? Dapat sa entrance pa lang may gwardya na ang complex kag nagausisa sa mga nagsulod nga tawo kag salakyan.
Ang nagakatabu sa lugar, pulis ang nagabantay sa ila samtang ang mga tag-iya sang establesemento sige lang kaka sang kwarta sang ila mga customers. Sa malip-ot nga pulong, ginhimo sang mga negosyante nga security guard ang mga pulis.
Matuod nga trabaho ina sang pulis. Pero indi ayhan unfair nga damo gid ang pulis sa lugar samtang sa iban nga parte sang distrito wala sang pulis? Mas madamo pa gani ang pulis sa Smallville kun ipaanggid mo sa estasyon kag mga substations ukon “compac” stations.
Ano ka special ang Smallville nga pulis ang nagabantay sa ila? Ang Smallville lugar nga mabudlay nga ipatuman ang kasuguan. Kaangay lamang nga may pagpasulabi nga ginahatag sa complex.
Madamo na ang mga kontrobersiya nga nagkalatabu sa Smallville Complex. Pero may nahatagan bala sang hustisya? May reklamo nga madamo sang minors nga nagakadto sa bisan lapas na sa curfew pero may nadakpan bala? Ina bangud sila mismo ang naga-tolerate sa mga minors nga magkadto sa ila establishments.
Sigurado ako ang plano nga asta lang sa alas dos sang kaagahon ang ila operasyon mangin madugo ang proseso. Duda ako kun mapatuman ini. Kabay po gamiton ni Mayor Jose Espinosa ang iya political will agud maukay ang Smallville. Indi man siguro untouchable ang mga negosyo sa lugar.
Maayo lang nga pagbasa kay Toto Hector Espinosa sang Tatoy’s Manokan and Seafoods. (jpranco1975@gmail.com)/PN
[/av_textblock]
[/av_one_full]
