[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Bugal sang mga Bukidnon’ tag=’h3′ style=’blockquote modern-quote’ size=’30’ subheading_active=’subheading_below’ subheading_size=’18’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
BY JOEL FRANCO
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
February 17, 2018
[/av_textblock]
[av_textblock size=’18’ font_color=” color=” av-medium-font-size=” av-small-font-size=” av-mini-font-size=” admin_preview_bg=”]
TUGUTI ninyo ako sa paghatag sang pagkilala kag pagdayaw sa isa ka manunudlo nga huwaran sang tanan. Isa ka tawo nga ginapabugal ang ginhalinan. Isa ka tawo nga luyag batakon sa kakulang sang kinaalam ang mga kabataan ilabi na ang mgha imol.
Sya si Dr. Jesus Insilada. Isa ka katapo sang indigenous group nga Panay Bukidnon nga nagapuyo sa binukid sang Calinog kag Lambunao (Iloilo), Tapaz (Capiz) kag probinsya sang Antique. Pero si Doc Insilada tumandok gid sang banwa sang Calinog.
Kilala si Dr. Jesus Insilada bilang isa ka simple nga manunudlo apang madamo na sang nalambot kag naangkon nga awards.
Nagtapos sya sang iya high school kag kurso nga Bachelor of Science in Industrial Education (BSIE) gikan sa anay Calinog Agricultural and Industrial College (CAIC) nga karon WVSU-Calinog Campus na.
Sa iya pagtudlo nagapangibabaw ang iya adbokasiya sa pagpakigbato sang mga kinamatarong sang mga indigenous people kun sa diin kabahin bilang isa ka Panay Bukidnon.
Ginahimo niya ang culture-based teaching paagi sa saot, ambahanon kag mga indigenous nga mga hampang kag pamaagi.
Halimbawa diri ang paggamit niya sang panubok bilang pamaagi sa pagtudlo sang math. Ang panubok amo ang estilo sang pagborda sang mga Bukidnon nga ang sulondan sa masami amo ang panit sang man-og, mata sa pispis, du-ag sang balahibo sang ilahas nga manok kag madamo pa nga iban.
Ang iya culture-based teaching kabahin na karon sang curriculum sang Department of Education (DepEd). Pamatuod lamang nga ang iya kinaadman sa pagtudlo nagasanto kun ano ang kinahanglan sang mga kabataan.
Sang nagligad nga tuig nagdaug man si Insilada sa 2nd Princess Maha Chakri Award sa Thailand. Nangin isa man si Insilada sa mga Metro Bank awardees.
Kalakip man si Insilada nga tuigan nga nagadaug sa Palanca Awards for literature sa iya mga sinulatan nga mga nobela, malip-ot nga sugilanon, tula kag iban pa.
Antes nangin school principal, ordinaryo nga classroom teacher si Insildad tubtob nga sa iya handum nga mapasanyog ang iya kinaalam nagpadayun sya sa pag-eskwela.
Una sya nga nangin principal sang Alcarde Gustilo Memorial National High School sa Barangay Alibunan, Calinog kag nagsaylo sa isa ka high school sa banwa sang Cabatuan.
Subong sya ang principal sang Caninguan National High School.
Sa una nga screening naaksulod sa top 50 Global Teacher Prize kag sa final screening nakasulod sya sa top 10 kun sa diin si Bill Gates sang Microsoft mismo ang nag-announce sang mga finalists.
Hiwaton ang awarding sa Marso 18 sa Dubai kag ang magadaug makakuha sang $1 million cash.
Sa sining panahon sang moderno nga teknolohiya kun sa diin ang mga kabataan naadik sa gadgets, tanan ginasalig na lang kay Google, kinahanglan naton ang manunudlo kaangay kay Insilada.
Panginbulahan, Sir. Panginbulahan sa mga Panay Bukidnon!/PN
[/av_textblock]
[/av_one_full]
