[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Gina-alegar katapo sang NPA dakop’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Cyrus M. Garde
[/av_heading]
[av_textblock size=” font_color=’custom’ color=’#0a0a0a’]
Thursday, February 9, 2017
[/av_textblock]
[av_textblock size=” font_color=’custom’ color=’#0a0a0a’]
Syudad sang BACOLOD – Matapos ginmando sang presidente sang Pilipinas nga dakpon ang mga katapo sang New People’s Army (NPA), ang elemento sang Criminal Investigation and Detection Group (CIDG) 18 nagdakop sang isa ka babae nga ginapasuni katapo sang NPA sa Sto. Niño Stop, Barangay 2 diri mga alas-sais sang gab-i sang Martes.
Nagasakay sa salakyan nga ginamaneho sang iya bana ang suspek nga si Rogina Navarro Quilop, legal ang edad kag naga-istar sa Brgy. 10 diri. Halin sia sa iya obra bilang administrative officer sang Center for People Resource Services, isa ka non-government organization (NGO) nga responsable sa pagbulig sa mga nagakinahanglan kaangay sang mga biktima sang bagyo.
Sunu naman kay Quilop indi sia kapable magpatay tawo kag ginpanginwala ang amo nga akusasyon. Sunu sa iya nagsulod sia sa amo nga NGO kag nagapatigayon sang bulig sa Syudad sang Cadiz halin pa sang 2009 asta subong.
Sunu naman sa iya abogado nga si Atty. Archie Baribar, kilala nga human rights lawyer, basi nasal-an lang si Quilop bangod ang ara sa warrant of arrest amo ang ngalan ni Rowena Navarro.
Apang may nag-upod nga duha ka testigo nga nagtudlo sa iya nga sia si Rowena Navarro.
Siling naman ni Brig. General Francisco Delfin, commanding officer sang 303rd Infantry Brigade nga nabase sa Murcia, upod si Quilop nga nag-ambush sa katapu sang Army sa nabukid nga bahin sang Syudad sang Cadiz sadtong 2010.
Ang iya warrant of arrest ginpapanaog sang nagretiro na nga si Judge Renato Muñez sang Regional Trial Court, Branch 60 sa Syudad sang Cadiz./PB
[/av_textblock]
[/av_one_full]
