Madinalag-on nga napatuman ni Hon. Amalia Debuque, Provincial President sang Liga ng mga Barangay Iloilo Chapter ang bag-o sini nga programa nga nagahatag sang hospital and burial assistance sa mga opisyales sang kabaranggayan sa probinsya.
Ang proyekto amo gintawag nga “Kaibigan mo ang Liga” nga may katuyuan nga maghatag sang bulig pinansyal sa mga miyembro sang Barangay Council, upod ang tagsa nila ka mga Barangay Secretary kag Treasurer.
Isa ini ka tikang agud mas mapadasig ang paghatag sang bulig sang Liga ng mga Barangay – Iloilo Province Chapter sa tagsa sini ka sinakpan sa bug-os nga probinsya, nga wala na nagakinahanglan pa sang malawig nga proseso antis makabaton sang ginakinahanglan nga bulig.
Suno kay Hon. Amalia Debuque, tuyo gid niya nga ipalambot ang mensahe sa tagsa ka mga miyembro sang Barangay Council, nga ‘pwede gid gali’ nila masaligan kag masandigan ang ila Liga ng mga Barangay Provincial Chapter sa tion ang pagkinahanglan kag pagbinuligay.
Ginsugudan sang bulan sang Hunyo, may masobra 40 na ka mga benepisyaryo ang nakabaton sang bulig pinansyal, kag ginapahibalo gid sang opisina ni BM Amalia Debuque nga bukas gid ang opisina sini agud mas makabulig pa sa kaangay niya nga opisyales sang barangay.
Agud makakuha sang bulig pinansyal, kinahanglan lang nga magdala ang claimant sang mga masunod:
Para sa HOSPITAL ASSISTANCE mahimo dal-on ang mga masunod nga dokumento:
- Medical Certificate
- Certification from the Liga President / DILG to prove that He/She is a barangay official.
- ID of claimant.
Para sa BURIAL ASSISTANCE mahimo dal-on ang mga masunod nga dokumento:
- Death Certificate
- Certification from the Liga President / DILG to prove that He/She is a barangay official.
- ID of claimant.
