[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Lumpat lumpat lang’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
BY JOEL FRANCO
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
January 20, 2018
[/av_textblock]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
WALA SANG maka-question sang integridad sang mga Defensors, ilabi na kay Gov. Arthur Defensor Sr.
Bata pa ako kilala na si Gob. Art sa matarong nga pagserbisyo sa publiko. Subong galing daw natingala ako ngaa kinahanglan pa niya nga magsaylo naman sang iya partido.
Kun tan-awo maayo naman ang tindog sang mga Defensors. Wala man siguro sang makita nga problema ang iga-indorso niya nga magabulos sa renda sang probinsya sang Iloilo. Ano bala ang rason ngaa nagsaylo sya sang partido?
Maathag nga proteksyon sang politika ang rason ni Gob. Art sa pagsaylo sa PDP-Laban. Indi man mag ako pero pamahog sa handum ni Cong. Toto si 4th District congressman Ferjenel Biron nga mangin gobernador sang probinsya sang Iloilo.
Ano bala ang ginakabalak-an ni Gob. Art kay Biron? Sigurado ang makinarya kag tinabungos nga kwarta. Mahapo man engkwentrohon ang politiko nga matinlo man ang pagkatawo kag nagakaka lang sang galastuhon nga kwarta.
Dapat gid man nga mag-upod si Defensor sa partido sang administrasyon agud mangin mabakod ang kandidatura sang iya anak. Sin-o man abi nga politiko ang magakontra sa administrasyon ni President Rodrigo Duterte? Sigurado ang magkontra kay Duterte kun indi adik, pusher, kun indi man pusher, corrupt. Pat-ud guba ang career mo sa politika.
Ang pagsaylo ni Defensor sa administrasyon makapasiguro sang suporta sang mga incumbent officials subong. Ini bisan paano makapasiguro man sang funding gikan sa administrasyon. Buot silingon ang pagsaylo ni Defensor sa administrasyon makapasiguro sang halos 90 percent sang kadalag-an sang iya anak. Kun si Gob. Art wala sang duda, pero tuhay na nga estorya kun anak nya ang magapadalagan.
Sigurado nagayambi subong ang bibig ni Biron sa mga hitabu sa politika sa probinsya. Panas na ang ginhambalan nila nga kun sin-o ang suportahan sang mga mayors amo ang magapadalagan sa pagkagobernador sa 2019 elections.
Sa natabu subong isa lang ang pat-od…si Cong. Toto na ang mangin kandidato sa pagkagobernador. Bisan hambalon pa nga depende ini sa partido, sigurado ako isa ini sa mga ginpasalig agud lang magsaylo sa administrasyon ang mga Defensors.
Kabay pa nga indi lang magpabulag-bulag si Cong. Toto sa himuon nga pag-railroad sang Kamara sa charter change. Kabay pa nga indi nya malipatan ang interes sang publiko bangud lamang sa iya ambisyon sa poilitika.
Kag sa kay Gob. Art man, kabay nga wala sang pagbag-o sa panindugan niya sa mga isyu para sa publiko subong nga kaalyado na sya ni Duterte.
Kabay lang! (jpranco1975@gmail.com/PN)
[/av_textblock]
[/av_one_full]
