Ni Cyrus M. Garde
Syudad sang BACOLOD – Arestado ang isa ka Muslim sa buy-bust operation nga ginpatigayon sang San Carlos City PNP sa Syudad sang San Carlos, Negros Occidental sang damlag lang.
Ginkilala ni Senior Insp. Mark Anthony Darroca, deputy police chief sang San Carlos City PNP, ang suspetsado nga si Vicente “Wenison” Bohol Ramirez, 19 anyos kag pumoluyo sang Purok Tindalo, Villarante Village, Brgy. 1, San Juan, Syudad sang San Carlos.
Nahibaluan nga isa ka police poseur-buyer ang nagbakal kay Ramirez kon sa diin ginhatag man sang naulihi ang isa ka sachet sang ginadilian nga shabu kabaylo ang P1,000 nga marked money.
Nakumpiskar man sa suspetsado ang iya motorsiklo nga ginagamit sa pagbaligya sang shabu.
Sunu kay Darroca, duha na ka semana ang ila pagpanilag sa suspetsado kag gindugang nga nalakip ini sa ila watch list.
Sa karon, nahunong na si Ramirez sa prisohan sang San Carlos City PNP kag magapangatubang sang kaso nga paglubag sang Section 5 kag 11 sang RA 9165 ukon Comprehensive Dangerous Drugs Act of 2002./H
