[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Wala na Miss U sa Iloilo’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
BY JOEL FRANCO
[/av_heading]
[av_textblock size=” font_color=’custom’ color=’#0a0a0a’]
Tuesday, january 10, 2017
[/av_textblock]
[av_textblock size=” font_color=’custom’ color=’#0a0a0a’]
SETYEMBRE pa lang nagwakal na sa media si Tourism secretary Wanda Teo nga magabisita sa pili nga probinsya kag syudad ang Miss Universe candidates.
Isa ang Iloilo sa mga ginsambit ni Teo nga bisitahan. Una nga impormasyon nga may photoshoot ang mga kandidata diri. May sugilanon man nga magasaksi sila sang Dinagyang ati-ati tribes competition. Ini tanan sugilanon lang. Wala man sang maathag nga papeles nga nagasiling nga maghanda na ang syudad kag probinsya sang Iloilo.
Bilang isa ka responsible nga mga empliyado kag opisyal sang gobyerno naghanda na ang syudad. Nagpain na gani kuno si Mayor Jed Patrick Mabilog sang pondo para diri. Pati ang mga katapo sang League of Municipalities sa Probinsya sang Iloilo nalangkag man. Handa pa sila nga mag-amotay kuntani makasayo man sa probinsya ang mga kandidata.
Subong daw ginbuhusan sang mabugnaw nga tubig ang nagabalingaso nga kakunyag sang mga Ilonggo nga makita ang mga kandidata sang Miss universes 2016 sang nabati-an sa media interviews ni Teo nga ginkakas na sa itinerary ang Iloilo kaupod sa Albay. Ang Albay ginsalakay sang bagyo Nina…ang Iloilo wala sang maathag nga paathag.
Pila ka adlaw nga wala sang pahayag ang syudad sang Iloilo. Sa pihak sang impormasyon nagalaum man sa gihapon ang syudad nga madayun ini kay nakahanda na ang pila ka programa para diri.
Sa media interviews kay City Tourism Officer Junel Ann Divinagracia, ginpahayag sini nga may nahanda na nga listahan sang lugar nga bisitahan ang Miss U candidates.
Pero ano gid bala ang kabangdanan ngaa nakanselar ang pagbisita diri sa syudad sang Iloilo? Samtang sa Davao ginapilit nga dayunon bisan pa nga may problema sa siguridad? Indi ayhan napulitika ang Iloilo?
Hutik sang mga nagabantay sa mga hitabu, una, possible napulitika ang Iloilo. Ikaduhan, negosyo ang Miss U.
Napulitika kuno ang Iloilo kay nabal-an man naton kun ano ka kontra ni President Duterte ang Iloilo nga naghatag sang manubo nga boto sa iya sa nakaligad nga eleksyon. Gintawag ya pa gani nga most shabu-lized city ang Iloilo. Simple nga sugilanon, indi gusto sang iban nga ma-vinidcate ang Iloilo sa indi matarong nga akusasyon sa syudad.
Pwede man nga manginwala sini ang administrasyon, pero nahibaluan naman natun nga kun ikaw President, madamo ka sa mahimo kag ikaw ang impluwensyado.
Ikaduha nga isyu ang negosyo. Negosyo bangud nga naga-demand kuno ang Miss Universe Organization (MUO) sang P25 million sa local government unit agud madayun ang pagbisita sini sa isa la lugar. Ini nga bagay indi makumpermar ni City Administrator Hernando Galvez. Sugo kay Galvez wala sya nakabati nga may gina-demand nga kwarta ang MUO sa syudad.
Ini nga mga isyu lunsay haum-haum lamang. Kun ano ang matuod indi kita makapakot. Isa lang ang sigurado, ang Iloilo makasarang mag promote sang kaugalingon bisan wala ang Miss Universe. Sa Dinagyang pa lang world-class na ang Iloilo.
PS: Happy reading sa avid reader sang Pautwas…Mr. Glen Remotin sang City Administrator’s Office sang Iloilo City Hall./PN
[/av_textblock]
[/av_one_full]
