[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’PAUTWAS! ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
BY JOEL FRANCO
[/av_heading]
[av_textblock size=” font_color=” color=”]
Kalaglagan sang iban, kalipay sang mga lampingasan
KASUNOD sang natabu sa mga Parojinog sa Ozamis City, nag-viral dayun ang mga posts nga Iloilo naman ang isunod ni Chief Inspector Jovie Espinedo.
Siling sang iban, Iloilo naman agud mapatay man ang mga narco-politicians. Ay sus, ok lang kamo? Kamo mismo ang naga-agda sang kakahasan nga magsulod sa aton lugar?
Madali hangpon ang mga social media users nga kulang sa kinaalam. Pero ang mga professionals nga naga-incite sang kakahasan kesyo may pagpati sila nga ang tawo naulamid sa ilegal nga droga? Mas makahuluya tan-awon ang mga abogado nga naga-advocate sang makahas nga police operations agud mapatay ang mga ginasuspetsahan nga drug personalities. Ay, nanu nag-abogado pa kamo nga nagaduso man lang kamo sang extrajudicial killings?
Pero dali lang, mamangkot kita, nabalikid mo bala ang imo ikog kun ano kalaba? Nadumduman mo man bala nga ikaw baldog man kag madamo sang nakawat sa gobyerno ukon sa imo isig ka tawo?
Nagasakit bala ang imo buot kay wala nahatag ang posisyon nga ginahandum mo sang una? Ukon may pabor ka nga ginpangayo pero wala nahatag sa imo? Ukon ang malala kay nagahandum ka man nga mahatagan sang pwesto sa Duterte administration amo na nga indi matakus ang imo paningkamot?
Maalam na ‘ya si Duterte. Indi sya basta-basta nga madala sang inyo mga diskarte. Kun gusto ni Duterte nga malambot ang matuod nga pagbag-o indi gid sya dapat magpamati sa inyo kay ang ang kabahin sang inyo tambok kag buy-on kinawatan pa sa gobyerno.
Ngaa bala ginapangamuyo nyo ang kalaglagan sang iban? Agud kamo naman ang manginpulos?
Sa nagakatabu sa syudad sang Iloilo subong, nagakinalipay ang mga tawo nga sa matuod mas maitum pa ang korason. Maathag man nga sang una ginhatagan sila sang kahigayunan pero nangin hakugan man sa poder.
Maathag man nga ang inyo indi adbokasiya, kundi para sa kaugalingon nga kabulosgan. Sigurado nga kun kamo ang ara sa pwesto mas dako pa ang inyo pulon-on nga tambobo. (jfranco1975@yahoo.com/PN)
[/av_textblock]
[/av_one_full]
