[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Sin-o gid ang grupo ni Duterte sa Iloilo?’ tag=’h3′ style=’blockquote modern-quote’ size=’30’ subheading_active=’subheading_below’ subheading_size=’18’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
BU JOEL FRANCO
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
Tuesday, March 20, 2018
[/av_textblock]
[av_textblock size=’18’ font_color=” color=” av-medium-font-size=” av-small-font-size=” av-mini-font-size=” admin_preview_bg=”]
SAMTANG nagaamat-amat bukal ang kawa sang pulitika sa syudad sang Iloilo, nagadamo man ang nagapakilala sang kaugalingon nga kaalyado ni President Rodrigo Duterte. Ini bangud nga nakita nila nga ang bendisyon ni Duterte mangin lyabe sang ila kadalag-an. Maathag nga si Duterte lang subong ang padayun nga nagabaton sang positibo nga suporta sang publiko gani tanan gusto maasikan sang iya popularidad.
Subong pa lang madamo na ang nagatuhaw nga grupo. Bisan sa grupo nga nagaduso sang Pederalismo pila man sila ka sipak nga hubon. Mansig lang sila tanyag sang mga pakagat nga estorya sa ila mga ginaganyat nga mag-upod sa ila grupo.
Samtang masako ang grupo sang Pederalismo sa pagtipon sang ila grupo sa barangay, masako man ang Kilusang Pagbabago (KP) sa ila mas masangkad nga grassroots recruitment. Ang KP amo ang grupo nga ginapamunuan sang pinakauna kag tampad nga sumalakdag ni Duterte nga si Cabinet Secretary Jun Evasco. Wala sang duda kun may ikatampad kay Duterte wala na sang iban kundi si Evasco lang. Sya lang ang wala sang personal nga interes sa pagduso sang ila grupo.
Indi man mapahigad ang presensya sang Hugpong Pagbabago nga una gintukod ni Davao City mayor Sara Duterte sa Davao. Nahibaluan nyo bala nga indi lang ini sa Davao kundi diri sa syudad sang Iloilo may grupo na sila?
Madamo pa gid ang iban nga grupo nga nagapakilala nga suportado nila si Duterte. May mga tawo man nga nagapakilala nga sila ang salaligan diri sang Malacañang sa Iloilo. Pero daw wala man gani nakakilala sa ila si Duterte.
Bisan sa mga lider sang politika sa syudad kaalyado man sila kuno ni Duterte. Si suspended congressman Jerry Treñas katapo sang PDP-Laban nga amo ang political party ni Duterte sa iya presidency. Nagsumpa sya sang matapos ang 2016 elections.
Sunod nga naggwa amo si Vice Mayor Jeffrey Ganzon nga may “kodak” pa upod ni Duterte. Siling nya sya man kaalyado ni Duterte sa Iloilo.
Ini man pwede ipahigad si Mayor Jose Espinosa III nga katapo sang Nationalista Party sang mga Villar. Si Espinosa lang ang wala naglumpat partido pero mabakod ang alyansa sang NP kay Duterte. Pamatuod dira nga si Mark Villar ang Department of Public Works and Highways secretary ni Digong.
Ang mga Gonzalez nagaangkon man nga PDP-Laban man sila nga kaalyado ni Senate President Koko Pimentel. Siling nila sila man ang kaalyado ni Duterte sa Iloilo.
Sa kadamuon sa ila, sin-o ayhan ang updan ni Duterte?
Bantayan! (jpranco1975@gmail.com/PN)
[/av_textblock]
[/av_one_full]
