[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Suspek sa pagpatay sa 2 ka tigulang, nagsungka’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Cyrus M. Garde
[/av_heading]
[av_textblock size=” font_color=” color=”]
Syudad sang BACOLOD – Nagsungka mga alas-12 kahapon sang kaagahon ang drayber sang duha ka tigulang nga nasapwan patay sa ila balay sa Filipinas Baybay, Barangay Zone 7, Syudad sang Talisay, Negros Occidental.
Si Roland Acaso, 30, kag pumoluyo sang amo man nga barangay, nagsungka sa Talisay City PNP.
Ini man ang una nga kahigayonan nga nagpakita si Acaso sa mga pulis matapos masapwan nga patay sang Miyerkoles sang aga ang duha ka tigulang nga sanday Isabel Laudio, 85, nga retirado nga nurse sa Amerika; kag magulang sini nga si Celestina Laudio-Fernandez, 86, balo kag may isa ka anak nga didto sa Manila.
Ang bangkay ni Isabel nakita sa tupad sang ila salakyan nga Toyota Revo sa garahe samtang ang iya ni Celestina sa sulod sang ila kwarto.Wala man sang nakita nga pilas sa ila lawas apang may naga-gwa nga dugo sa ila baba kag ginapatihan ginpangkuga.
Sunu pa kay Balbon may isa ka kwarto nga wala nila anay ginhilabtan apang nagalinapta sa sulod kag wala pa sila maka-imbentaryo kon ano ang nagkaladula samtang ginasulat ini nga balita.
Dugang pa ni Balbon nga si Acaso ang ila una nga suspek kag nagapati sila nga may upod ini sa paghimu sang krimen.
Ining suspek ginapatawag lang sang duha ka tigulang kon mapa-drive sila.
Sadtong Miyerkoles sang aga, wala sa ila balay si Acaso sang ginkadtoan sang mga pulis kag sunu sa iya asawa naglakat ini aga pa agud mangita sang i-biyahe nga traysikad. Gab-i na sia nagpauli kag gilayon nga nagsungka sa mga pulis agid klaruhon ang iya ngalan./H
[/av_textblock]
[/av_one_full]
