[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’TIYO GINTIRO-PATAY SANG HINABLOS’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Ime Sornito
[/av_heading]
[av_textblock size=” font_color=’custom’ color=”]
Wednesday, March 29, 2017
[/av_textblock]
[av_textblock size=” font_color=” color=”]
Syudad sang ILOILO – Ginbawian sang kabuhi ang tiyo nga gintiro sang iya hinablos bangod sa away sa duta alas-7:40 sang gab-i sang Lunes sa Barangay Palanguia, Pototan, Iloilo.
Gindeklarar nga dead-on-arrival sa Iloilo Provincial Hospital sa Pototan ang biktima nga si Jesus Paraonda Pasino, 42, kasado kag residente sang nasambit nga lugar, bangod sang naagom nga mga pilas sa liog, tiyan kag iban pa nga parte sang lawas.
Ginatudlo naman nga suspek si Randy Paraonda y Porras, legal ang edad kag residente man sang nasambit nga lugar.
Sa interbyu sang Panay Balita kay Senior Inspector Bonifacio Alabe, hepe sang Pototan Municipal Police Station (MPS), pasado alas-sais sang gab-i naga-inom-inom sa tiangge ang biktima sang nag-abot ang iya hinablos nga tuyo nga magbakal.
Bangod nga may daan nga hiligut-anon, nagkomprontahanay ang magtiyo pero nauntat man sang ulihi.
Sunu pa kay Alabe nga makaligad ang isa ka oras, nagbalik ang suspek nga may dala nga 12 gauge homemade shotgun kag gintiro sini ang iya tiyo.
“Bale may old grudges ni sila. So, kahapon mga 6 p.m., ang victim naga-inom sa tiangge tapos ang suspek nagbakal sa tiangge. Base sa tag-iya sang tiangge, nagkomprontahanay sila. Pero wala man niya ginsapak kay masami man sila nagalalisay pero after one hour nagbalik ang suspek nga may dala nga 12 gauge kag gintiro ang biktima,” saysay ni Alabe.
Natukiban nga may hiligut-anon na nga nagapatunga sa magtiyo matapos nga gina-alegar ginkudalan sang suspek ang gina-agyan sang biktima.
“According sa pamilya man nila to, lupa ang ila away. Kay ginakudalan sang suspek ang lupa nga gina-agyan sang biktima,” dugang ni Alabe.
Narekober naman sa ginluntaran sang krimen ang isa ka basiyo sang nasambit nga armas luthang samtang at large naman tubtob subong ang suspek./PB
[/av_textblock]
[/av_one_full]
